Ижкар+22 °C
8 -тӥ гудырикошкон 2020 Кӧснунал
16+

«Земский учитель» программа ужаны кутскоз Удмуртиын 2020-тӥ арысен

  • 292
  • 0
Ижкар / Удмуртия
«Земский учитель» программа ужаны кутскоз Удмуртиын 2020-тӥ арысен
Туспуктэм: Григорий Фомин

2020-тӥ арын Удмуртиын «Земский учитель» федерал программа ужаны кутскоз, Россиысь Просвещениея министерство улосвылъёсы со пумысен ӵектонъёсты келяз, ивортэ элькунысь дышетонъя но тодосъя министерстволэн пресс-службаез.

Вуоно арысен гуртъёсы, каргуртъёсы яке 50 сюрсозь улӥсен каръёсы ужаны вуэм дышетӥсьёс 1 миллион манет басьтозы

Программае вылӥ но шоръёзо ӧнер дышетсконниосты йылпумъям но квалификацияя куронъёслы тупась 55 аресозь дышетӥсьёс пыриськыны быгато. Отчы сюрон понна конкурс пыр ортчоно луоз.

«Земский учитель» программае пыриськисьёслэн лыдзы Россиысь Просвещениея министерствоен висъям квота бордысь потоз.

Дышетӥсьёс басьтэм коньдонэз ас мылкыдзыя кутыны быгатозы

Конкурсэ пыриськон понна дышетӥсьёслэсь куриськонъёссэс 2020-тӥ арын 10-тӥ толшорысен 15-тӥ оштолэзёзь кутозы.

Матысь дыре вотэсын «Земский учитель» портал ужаны кутскоз. Отысь ужказъёсъя но конкурс ортчон вакытъя вань иворез тодыны луоз. Нош со дырозь со сярысь ивор Удмуртиысь дышетонъя но тодосъя министерстволэн сайтысьтыз «Проекты и программы» люкетысьтыз «Земский учитель» бамын луоз.



Наверх
Вниз