Ижкар+18 °C
6 -тӥ гудырикошкон 2020 Покчиарня
16+

Алнаш ёросысь дышетӥсь анай кылъя дышетӥсьёслэн огъяросси мастер-классазы пыриське

  • 700
  • 0
Москва / Россия
Алнаш ёросысь дышетӥсь анай кылъя дышетӥсьёслэн огъяросси мастер-классазы пыриське
Туспуктэм: vk.com (Ирина Евдокимова)

Алнаш ёросысь Вуж Шудья школаысь удмурт кылъя но литературая дышетӥсь Ирина Евдокимова анай кылъя, со пӧлын ӟуч кылъя, дышетӥсьёслэн огъяросси мастер-классазы пыриське. Со сярысь Удмуртиысь Дышетонэз азинтонъя институтысь Тьютор практикаосты азинтонъя центрлэн кивалтӥсез Андрей Клементьев ивортӥз.

Огъяросси мастер-класслэн очной (йылпумъян) люкетэз 12-тӥ шуркынмонэ Москваын кутскиз. Отчы вуизы 19 дышетӥсьёс, кинлэн ужъёсызлы жюрилэн ёзчиосыз тужгес ӟеч дунъет сётӥзы. Соос уроклэсь видеое гожтэм люкетсэ методикая валэктонъёсын возьматыны но йӧскалык дӥськутэн тодматыны кулэ. Ирина Евдокимова туннэ, 13-тӥ шуркынмонэ, аслэсьтыз ужзэ возьматоз.

Туэ вожвылъяськонлэн заочной люкетаз анай кылъя но литературая 300-лэсь трос дышетӥсьёс ужъёссэс келязы («Мои методические находки» эссе но урокъёслы методикая 2 разработкаос). Жюрилэн ёзчиосыз 140 пыриськисьёслэсь огъяросси мастер-класслэн куронъёсызлы тупась материалъёссэс эскеризы. Удмуртилэсь финалэ Алнаш ёросысь дышетӥсь шедиз.

Тодэ вайытом, 2018-тӥ арын вожвылъяськонэ Дэри ёросысь Лудорвай школалэн кивалтӥсез но удмурт кылъя но литературая дышетӥсь Надежда Мерзлякова пыриськиз но одӥгаз номинациын вормиз

Ватсалом, 26-тӥ шуркынмонэ Ижкарын анай кылъя дышетӥсьёслэн элькун вожвылъяськонзылэн йылпумъясь люкетэз ортчоз.



Наверх
Вниз