Ижкар+15 °C
18 -тӥ куарусён 2020 Удмуртарня
18+

Удмуртиысь кык дышетӥсьёс ӧнер устолыкъя огъяросси вожвылъяськонын устоосыз луизы

  • 473
  • 0
Пенза / Россия
Удмуртиысь кык дышетӥсьёс ӧнер устолыкъя огъяросси вожвылъяськонын устоосыз луизы
Туспуктэм: udmedu.ru

Ижкарысь дышетӥсьёс Анна Павловских но Андрей Макаров ватсаса тодон-валан сётон удысын ужасьёслэн ӧнер устолыксыя «Сюлэмме сётӥсько пиналъёслы» («Сердце отдаю детям») огъяросси конкурсын призовой интыос басьтӥзы. Со сярысь Удмуртиысь дышетонъя но тодосъя министерстволэн пресс-службаез ивортэ.

Вожвылъяськонлэн йылпумъян люкетэз 21-тӥ шуркынмонэ Пензаын ортчиз. Отчы Россилэн 35 улосвылъёсысьтыз 69 дышетӥсьёс пыриськизы

Дышетӥсьёс тямыс ӧръёсын кужымзэс мертазы. Удмуртиысь Дышетонэз азинтонъя институтысь ватсаса тодон-валан сётонъя кафедралэн кивалтӥсез Елена Харлова верамъя, тужгес ӟырдыт вожвылъяськон технической номинациын мынӥз. Ӵапак отчы Ижкарысь Первомай ёросысь Нылпи творчествоя юртын ужась Андрей Макаров пыриськиз.

Татын пыриськисьёс но тросгес вал, ваньзы соос туж кужмоесь вал. Кыкетӥ инты – умой данъет. Озьы ик ужъёс но капчиесь ӧй вал. Соос ӧнер устолыкез но, азьвыл дасяськытэк ужаны быгатэмез но возьматэмез кулэ каризы
Елена Харлова, Удмуртиысь Дышетонэз азинтонъя институтысь ватсаса тодон-валан сётонъя кафедралэн кивалтӥсез

Ижкарысь Ленин ёросысь Нылпи творчествоя центрысь ватсаса тодон-валан сётӥсь Анна Павловских «Профессиональный дебют» ӧрын куинетӥ луиз.

Озьы ик вожвылъяськонлэн йылпумъян люкетаз дышетӥсьёс ог-огзылэн ужан амалъёсынызы тодматскизы, дышетонын но визьноданын туала технологиос но методикаос сярысь кенешизы. Со сяна, лулчеберетъя программа но чакламын вал.

Тодэ вайытом, азьвылгес Алнаш ёросысь Вуж Шудья школаысь удмурт кылъя но литературая дышетӥсь Ирина Евдокимова анай кылъя, со пӧлын ӟуч кылъя, дышетӥсьёслэн огъяросси мастер-классазы куинетӥ инты басьтӥз.



Наверх
Вниз