Дышетон удысысь йӧскалык ужпумъёсты эскеронъя тодос институтысь ӧнерчиос удмурт кылын электрон учебникъёсын тодматӥзы. Со сярысь Удмуртиысь дышетонъя но тодосъя министерстволэн пресс-службаез ивортэ.
«Удмурт кылэз дышетоныны электрон амалъёс» («Электронные ресурсы в обучении удмуртскому языку») форум улсын институтысь ӧнерчиос Дэри ёросысь Юбилейной школаен но Алнаш ёросысь Улын Котныр школаен ӵош Удмурт кыллэн нуналэзлы сӥзем котырес ӝӧкъёс ортчытӥзы. Форуме нылпи садъёсысь изьнодасьёс, покчи классъёсты дышетӥсьёс, удмурт кылъя но литературая дышетӥсьёс, школаын дышетскисьёс пыриськизы.
Озьы ик удмурт кылэз дышетонын электрон амалъёсты кутон, удмурт кылэз утён но азинтон ужпумъёс сярысь кенешизы. Со сяна, ужрадъёсын удмурт кылын кылбуръёс но кырӟанъёс чузъяськизы. Мыло-кыдо пыриськисьёслы «Яратӥсько удмурт кылме» гадьпусъёс сётӥзы.
Тодэ вайытом, Удмурт кыллэн нуналаз, 27-тӥ шуркынмонэ, Ижкарысь гурт возёсъя кун академиын удмурт кылэн тодматон урок ортчиз.
Удмурт кылэн тодматон урок Ижысь гурт возёсъя академиын