Ижкар+18 °C
6 -тӥ гудырикошкон 2020 Покчиарня
16+

Удмуртиысь дышетскисьёс Россиысь калыкъёслэн кылъёссыя улосвылкуспо конференциысь вормонъёсын бертӥзы

  • 337
  • 0
Казань / Россия
Удмуртиысь дышетскисьёс Россиысь калыкъёслэн кылъёссыя улосвылкуспо конференциысь вормонъёсын бертӥзы
Туспуктэм: vk.com (Андрей Клементьев)

Удмуртиысь пиналъёс Казаньысь дышетскисьёслэн Россиысь калыкъёслэн кылъёссыя улосвылкуспо конференциысьтызы вормонъёсын бертӥзы. Со сярысь «ВКонтакте» мерлыко вотэсысь бамаз элькунысь Дышетонэз азинтонъя институтысь Тьютор практикаосты азинтонъя центрлэн кивалтӥсез Андрей Клементьев гожтӥз.

Арлы быдэ радъяськылӥсь ужрад Казаньысь 180 номеро полилингвальной гимназиын ортчиз. Сяме пыремъя ини конференциын «Удмуртская филология» секция ужаз. Туэ со Удмурт кыллэн нуналэзлы но удмурт кылбурчилэн, журналистлэн Эрик Батуевлэн 50 ар тырмонэзлы сӥземын вал

Секцилэн ужаз Удмуртиысь, Татарстанысь но Башкириысь пиналъёс пыриськизы. Конференци эскерон ужъёсъя вожвылъяськон сямен ортчиз. Жюрилэн ёзчиосыз тужгес устооссэ эскерон ужъёсты бырйизы.

Йылпумъянъёсъя вормисе Татарстанысь Кукмор ёросысь Ошторма-Юмья школаысь Анна Искакова потӥз. Призёръёс Ижкарысь Кузебай Герд нимо йӧскалык гимназиысь Дарья Кривоногова, Удмуртиысь Алнаш ёросысь Азамат шкоалысь Елена Игнатьева, Дэри ёросысь Шор Постол школаысь Влада Перевозчикова луизы. Со сяна, лауреатъёсты пусйизы: Башкириысь Янаул ёросысь Каймашабаш черкогуртысь Елизавета Давлетоваез но Удмуртиысь Дэри ёросысь Пальник школаысь София Окороковаез.

Озьы ик Удмуртиысь дышетскисьёс «Русская филология» секцие пыриськизы. Призёръёс пӧлы Дэри ёросысь Первомайской школаысь Александр Измайлов пыриз. Эграысь 1 номеро школаысь Арина Белых лауреат луиз.

Пусъём, «Удмуртская филология» секцилэсь ужзэ Удмуртиысь дышетонэз азинтонъя центр но Татарстанысь удмуртъёслэн лулчеберетъя йӧскалык автономизы радъязы. 

Тодэ вайытом, Удмуртиысь пиналъёс та конференцие арлы быдэ ветло. Кылем арын «Удмурт филология» секциын Дэри ёросысь Изгурт школаысь Полина Селивёрстова вормиз



Наверх
Вниз