Ижкар+15 °C
18 -тӥ куарусён 2020 Удмуртарня
18+

Ижкарысь Пинал лётчикъёслэн школазы патриотической визьноданъя Россиысь устоез центр луиз

  • 177
  • 0
Санкт-Петербург / Россия
Ижкарысь Пинал лётчикъёслэн школазы патриотической визьноданъя  Россиысь устоез центр луиз
Туспуктэм: ciur.ru

Ижкарысь Пинал лётчикъёслэн школазы егитъёслы ожгар ужен тодматонъя но атыкай музъемез гажан мылкыд пыӵатонъя Россиысь устоез центр луиз. Со сярысь ивортодэтъя «Удмуртия» агентстволэн корреспондентэзлы «Школа юных лётчиков» центрлэн кивалтӥсез Ольга Шахова вераз.

Туэ шуркынмонэ ватсаса тодон-валанъёс сётонъя огазеяськон Санкт-Петербургын ортчем «Образовательная организация 21 века. Лига лидеров – 2019» огъяросси вожвылъяськонэ пыриськиз.

Ми Россиысь 500 тужгес устоосыз дышетон ужъюртъёс пӧлы пырим но Росси Федерациысь тужгес устоез военно-патриотической центр луим. Со милям центрмы понна нырысьсэ, соин ик ми туж данъяськиськом, эшшо умойгес ужаны тыршиськом
Ольга Шахова, «Школа юных лётчиков» центрлэн кивалтӥсез

Вожвылъяськон улсын Ольга Шаховаез ассэ но пусйизы. Сое «Эффективный руководитель-2019» синпель пусэн данъязы

Пусъём, центрын али тупатъян ужъёс мыно. Соин ик пиналъёсын ас школаосазы ужало. Но кивалтӥсь оске, вуоно арын ужъёсты йылпумъялозы но дышетсконни тыро-пыдо ужаны кутскоз ини шуыса.

Тодэ вайытом, 9-тӥ толсуре центрысь пиналъёс анткыл сётон сӥё-дано ужрадэ пыриськизы



Наверх
Вниз