Ижкар-24 °C
6 -тӥ толсур 2021 Вордӥськон
18+

40 миллион манет висъяны чаклало Удмуртиын гурт возёслы ӧнерчиосты дасясь дышетсконниослэсь тӥрлыксэс выльдыны

  • 554
  • 0
Ижкар / Удмуртия
40 миллион манет висъяны чаклало Удмуртиын гурт возёслы ӧнерчиосты дасясь дышетсконниослэсь тӥрлыксэс выльдыны
Туспуктэм: Майя Бывальцева

Вуоно арын нырысьсэ Удмуртиысь агропром огъетлэн коньдэтаз грантъёсын юрттэт сётон понна 40 миллион манет висъямын луоз. Солы луыса элькунысь гурт возёс ӧръя ужась шоръёзо ӧнер дышетсконниос дышетон но ужан тӥрлыкъёссэс выльдыны быгатозы. Со сярысь Удмуртиысь гурт возёсъя но сиён-юонъя министерстволэн пресс-службаез ивортэ.

Со коньдонэн ватсаса техника но оборудование басьтыны луоз шуыса чакламын, кылсярысь, кидысъёслэсь ӟечлыксэс эскеронъя лаборатори. Одӥг сыӵе лабораториез усьтон понна одӥг но ӝыны миллион манет пала кулэ
Ольга Абрамова, Удмуртысь гурт возёсъя но сиён-юонъя министр

Министрлэн кылъёсызъя, грант басьтӥсьёсын юнматэм тупанкылъёсын кык валтӥсь возьматэтъёс пусъемын луозы - дышетскисьёслэн лыдзы но элькунысь гурт возёсъёсы ужаны интыяськем выпускникъёслэн лыдзы. 

Валтӥсь ужпуммы, кудӥз та ужмылэсь пайдалыксэ возьматоз – егит ӧнерчиосты гурт возёсъёсын юнматон
Ольга Абрамова, Удмуртысь гурт возёсъя но сиён-юонъя министр

Тодэ вайытом, туэ Удмуртия вить шоръёзо ӧнер дышетонсконниосты выльдонлы оглом 152 миллион 410 сюрс манет тыр вить грант утӥз. Со вӧзы улосвыл коньдэтысь 15 миллион 200 сюрс манет ватсалозы на. Куинез дышетсконниос гурт возёс ӧръя ужало. Кылсярысь, Уваысь ӧнерлыко колледжын ветеринария, сити-фермерство, геномной инженерия, гурт возёс биотехнологиос но гурт возёс машинаосты уже кутон ӧръёсты усьтон понна 43 миллион манет кутозы. Выль тӥрлык басьтэм сяна, колледжын дышетон радлыксы но воштӥськоз. Выль площадкаосын дышетонъя федерал стандартъёслэн но Worldskills дунневыл движенилэн куронъёссылы тупась вожвылъяськыны быгатӥсь ӧнерчиосты дасяны юрттозы. 



Наверх
Вниз