Ижкар+10 °C
19 -тӥ куарусён 2020 Кӧснунал
18+

«Мынам вордӥськем шаере: инкуазь, лулчеберет, калык» огъяросси вожвылъяськонлэн улосвыл люкетэз ортчиз Удмуртиын

  • 362
  • 0
Ижкар / Удмуртия
«Мынам вордӥськем шаере: инкуазь, лулчеберет, калык» огъяросси вожвылъяськонлэн улосвыл люкетэз ортчиз Удмуртиын
Туспуктэм: udmedu.ru

Ижкарысь Удмурт кун университетлэн Виталий Журавлёв нимо дышетонъя но тодосъя лыдӟетъюртаз «Мынам вордӥськем шаере: инкуазь, лулчеберет, калык» («Моя малая родина: природа, культура, этнос») огъяросси вожвылъяськонлэн улосвыл люкетэз ортчиз .Со сярысь элькунысь дышетонъя но тодосъя министерстволэн пресс-службаез ивортэ.

Вожвылъяськонэ пыриськон понна Балезино, Вавож, Вотка, Грак, Дэбес, Дэри, Эгра, Камбарка, Кез, Кизнер, Пичи Пурга, Сарапул, Сьӧлта, Сюмси, Ува, Якшур-Бӧдья, Яр ёросъёсысь но Вотка но Глаз каръёсысь 58 дышетскисьёслэн ужъёссы вуизы. Эскерисьёс соос пӧлысь 35-сэ бырйизы но Удмуртиысь 12 ёросъёсысь но кык каръёсысь 6-11 классъёсын 42 дышетскисьёсты ӧтчазы. Вормисьёс но призёръёс пӧлы Вотка, Дэри, Эгра, Кизнер, Пичи Пурга, Сьӧлта, Ува ёросъёсысь пиналъёс потӥзы.

Дышетскисьёс «Этноэкологические исследования», «Этноэкология и современность», «Этноэкологическая журналистика», «Экогид», «Экосимвол малой родины» номинациосъя эскерон ужъёссэс утизы. Тужгес но трос ужъёс «Экосимвол малой родины» но «Этноэкологические исследования» номинациосы вуизы

Эскерон ужъёсты Удмурт кун университетысь,  Йӧскалык лыдӟетъюртысь, Нылпиослы ватсаса тодон-валан сётонъя элькун центрысь ӧнерчиос эскеризы.

Вормисьёсты но призёръёсты Удмуртиысь дышетонъя но тодосъя министерстволэн дипломъёсыныз пусйизы. Вань пыриськисьёслы сертификатъёс но Удмурт кун университетлэсь синпель кузьымъёссэ сётӥзы.

Вормисьёслэсь ужъёссэс огъяросси вожвылъяськонлэн зочной амалэн ортчись люкетаз келялозы

Азьланяз та вожвылъяськонын вормисьёслы Удмурт кун университетысь нимысьтыз ӧръёсъя дышетскыны пырыкузы ватсаса баллъёс сётыны чаклало.



Наверх
Вниз