Ижкар+19 °C
14 -тӥ гудырикошкон 2020 Удмуртарня
16+

Удмуртиысь быгатонлыко пиналъёс «Тӧролэн ёлкаяз» вуылӥзы

  • 291
  • 0
Ижкар / Удмуртия
Удмуртиысь быгатонлыко пиналъёс «Тӧролэн ёлкаяз» вуылӥзы
Туспуктэм: Удмуртиысь дышетонъя но тодосъя министерстволэн пресс-службаез

Дышетсконын, спортын, творчествоын вормонъёс басьтэм Удмуртиысь дышетскисьёс Операя но балетъя кун театре «Тӧролэн ёлкаяз» вуылӥзы. Шулдыръяськонэ 1 сюрс 384 пиналъёсты ӧтчазы, ивортэ улосвылысь дышетонъя но тодосъя министерстволэн пресс-службаез.

Соос тыршизы. Соос вормонъёс басьтӥзы, соослы юрттыны кулэ
Светлана Болотникова, Удмуртиысь дышетонъя но тодосъя министр

Пиналъёслы «Бременские музыканты» мюзикл возьматӥзы но Выль ар кузьымъёс сётӥзы.

Вордӥськонэ ми 46 пиналъёсты Кремльысь ёлкае келяськом. Милем Собянинлэсь Москвае ёлкае ӧтён вуиз. Со 3-8 толшоре луоз. Милям вань Приволжск федерал округлэн ёлкаез. Трос пиналъёс праздник шулдыръяськонъёсы вуылозы, соос пӧлын секыт улон югдуре сюрем но анай-атайтэк кылем нылпиос но
Светлана Болотникова, Удмуртиысь дышетонъя но тодосъя министр

Таӵе ужрадъёсты пиналъёсты тыршемзы понна пусъён но азьланяз ужаны мылкыд сётон понна ортчытъяло.

Вуоно арын азинсконъёсты ӧвӧл ыштоно, кутскем уженыды тунсыкъяськонды медаз ышы. Азинлыкты вань ни ке, выль интыосы тубон, выль вормонъёс басьтон понна эшшо тросгес ужано. Кинлэн уггес пӧрмы, тыршоно. Соку ваньмыз пӧрмоз
Светлана Болотникова, Удмуртиысь дышетонъя но тодосъя министр

Тӧролэн ёлкаез

5 фото



Наверх
Вниз