100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

500 сюрс манет утӥз Алнаш ёросысь школа Рыбаков фондлэн вожвылъяськоназ

  • 218
  • 0
Вуж Шудья / Удмуртия
500 сюрс манет утӥз Алнаш ёросысь школа Рыбаков фондлэн вожвылъяськоназ
Туспуктэм: vk.com (Светлана Болотникова)

Алнаш ёросысь Вуж Шудья гуртысь 9 классъем школа «Рыбаков фондлэн» вожвылъяськоназ «Школа – центр социума» ӧраз вормисе потӥз но 500 сюрс манет утӥз. Со сярысь ивортодэтъя «Удмуртия» агентстволэн корреспондентэзлы школалэн кивалтӥсез Ирина Евдокимова вераз.

Со одӥгез тужгес бадӟымез вормон луэ ми понна, малы ке шуоно мон кӧня ар татын ужасько, мон татын ачим дышетскемын, мон уг тодӥськы кадь собыдӟа вормонъёсмы мед луозы шуыса
Ирина Евдокимова, Вуж Шудьяысь школалэн кивалтӥсез

Ирина Евдокимовалэн верамезъя, та вормон соос понна малпамтэ шорысь кадь луиз, уго вожвылъяськонэ пыриськыны туж трос школаос мылкыд каро. Тани туэ но Россиысь 2 сюрслэсь трос дышетсконниос куриськонъёс келязы, соос пӧлысь 20 умойёссэ гинэ коньдонэн пусйизы. 

«Школа «Рыбаков фонд» вожвылъяськон котькуд ар ортчытъяське, со ӵапак «Школа – центр социума» ӧръя ортчытӥське. Кызьы тон ужаськод социумен, кызьы школа ужа социумен, сое котыр ласянь расписать карыны кулэ вал. И тӥни озьы карыса, ужаса, кызьы ке но чудо кадь йӧтэ мыным со
Ирина Евдокимова, Вуж Шудьяысь школалэн кивалтӥсез

Вуж Шудьяысь школа быдӟалаезъя Алнаш ёросын шоро-куспоез луэ. Туннэ татын 65 пиналъёс дышетско, 21 адями ужа, соос пӧлысь 14-ез – дышетӥсьёс.

Табере милям ужпуммы школаез кызьы ке но социумлэн центрез карон бордын. <…> Котырес ӝӧк сьӧрын, мон малпасько, ми кенешом, дыр, шуыса, маргес умой карыны луоз, нылпиослы но умой мед луоз, дышетӥсьёслы но умой мед луоз, социумлы но умой мед луоз шуыса
Ирина Евдокимова, Вуж Шудьяысь школалэн кивалтӥсез

Ирина Евдокимовалэн кылъёсызъя, та вормонлы луыса соос азьын выль ӧсъёс усьтӥсько.

Тодэ вайытом, кемалась ик ӧвӧл Ирина Евдокимова анай кылъя дышетӥсьёслэн огъяросси мастер-классазы куинетӥ инты басьтӥз. Нош Удмуртиысь анай кылъя дышетӥсьёслэн элькун вожвылъяськоназы Дэри ёросысь Елена Иванова вормиз



Наверх
Вниз