Ижкар-9 °C
24 -тӥ толшор 2020 Удмуртарня
16+

Удмуртиысь дышетскисьёс огъя кун экзамен сётыны тодметъёсты 1-тӥ тулыспалозь бырйыны кулэ

  • 403
  • 0
Ижкар / Удмуртия
Удмуртиысь дышетскисьёс огъя кун экзамен сётыны тодметъёсты 1-тӥ тулыспалозь бырйыны кулэ
Туспуктэм: Григорий Фомин

Удмуртиысь 11-тӥ классын дышетскисьёс огъя кун экзаменъёс сётыны тодметъёсты 1-тӥ тулыспалозь бырйыны кулэ. Со сярысь «ВКонтакте» мерлыко вотэсысь «Государственная итоговая аттестация в Удмуртии» огинын ивортэмын.

Школаез йылпумъясьёс ӟуч кылъя но математикая экзаменъёсты одно ик сётыны кулэ, эшшо котькӧня тодметъёсты ас мылкыд каремзыя бырйыны быгато

Пиналъёс озьы ик пусйыны кулэ, кыӵе люкетъя математикая экзаменэз сётозы – базовой яке профильной. Аттестат басьтон понна нырысетӥез тырмыт луоз, нош кыкетӥез вылӥ дышетсконние пырон понна кулэ.

Тодметъёсты быръем сярысь куриськонэз дышетскисьёс асьсэ школаязы сёто

Ватсалом, школаез азьвыл йылпумъямъёс, шоръёзо ӧнер дышетсконниын тодон-валан басьтӥсьёс куриськонзэс улон интызыя дышетонъя управление сётыны быгато.

1-тӥ тулыспал бере огъя кун экзаменэ пыриськон понна куриськонъёсты уз ни кутэ.

Тодэ вайытом, азьвылгес кун экзаменъёсты сётон дырез юнматӥзы. Огъя кун экзаменэ лэзён басьтон понна толсуре 7 сюрс пала дышетскисьёс сочинение гожтӥзы

Наши партнеры

Наверх
Вниз