Ижкар-12 °C
27 -тӥ толшор 2020 Вордӥськон
16+

«Земский учитель» программае пыриськон понна куриськонъёсты кутыны кутскизы Удмуртиын

  • 413
  • 0
Ижкар / Удмуртия
«Земский учитель» программае пыриськон понна куриськонъёсты кутыны кутскизы Удмуртиын
Туспуктэм: Григорий Фомин

10-тӥ толшорысен Удмуртиын «Земский учитель» программае пыриськон понна куриськонъёсты кутыны кутскизы. Со сярысь элькунысь дышетонъя но тодосъя министерстволэн пресс-службаез ивортэ.

Тыриськонъёсты басьтыны быгатозы дышетӥсьёс, кудъёсыз таӵе куронъёсъя тупалозы:

- арлыдзы 55 аресозь;

- шоръёзо яке вылӥ ӧнер дышетсконниез быдтэмын;

- гуртъёсы, каргуртъёсы яке 50 сюрсозь улӥсен каръёсы ужаны интыяськемын.

Ватсаса куронъёс пӧлы пыро:

- матысь но/яке мукет тодметъёсты дышетыны луонлыксы вань;

- дышетоно тодметсыя, педагогикая, психологияя учёной степеньзы вань;

- дышетон удысын вормонъёссы вань;

- дышетӥсь луыса ужам стажзы но квалификацияя категоризы вань;

- дышетӥсь школае ужаны вордӥськем гуртаз, йылпумъям школаяз, отын интыос вань ке, интыяське.

Программае пыриськон понна конкурс пыр ортчоно

Вормисьёс одӥг пол одӥг миллион манетозь коньдон басьтозы. Со сяна, соослы таӵе куронъёсты быдэстоно луоз:

- али улон но/яке ужан интыезлэсь 50 иськемлы палэнын интыяськем Удмуртиысь гуртэ, каргуртэ яке 50 сюрсозь улӥсен каре выжоно;

- шоръёзо школае арняяз ӧжытсэ 18 час дышетыны интыяськоно;

- со школаын вить ар ӵоже ужано.

Пиналэн пукыны вис карон вакыт школаын ужаны вить ар курон пӧлы уг пыры

Вожвылъяськонэ пыриськыны куриськонъёсты туэ 15-тӥ оштолэзёзь Дышетонэз азинтонъя институтын (Ижкар, Ухтомский нимо урам, 25) кутозы. Кулэ ужкагазъёсын лыдметэз татысь учкыны луэ.

«Земский учитель» программая тыриськись уксёлэсь 81 процентсэ федерал коньдэт висъялоз, 19 процентсэ – улосвыл коньдэт. 2020-тӥ арлы федерал коньдэтысь 11 миллион 340 сюрс манет вуоз, элькун коньдэтысь – 2 миллион 660 сюрс манет.

Туэ висъям коньдонлэсь лыдзэ чакласа, гуртъёсы но черкогуртъёсы 14 дышетӥсьёсты кыскыны малпало

2019-тӥ арын 1-тӥ куарусёнлы гуртъёсын 192 дышетӥсьёслы кулэяськон вал. Тужгес но ӟуч но кунсьӧр кылъёсъя, математикая, покчи классъёсты дышетӥсьёс уг тырмо. 

Наши партнеры

Наверх
Вниз