Ижкар+1 °C
26 -тӥ тулыспал 2020 Вирнунал
16+

120 сюрслэсь трос пиналъёс туэ гужем Удмуртиысь нылпи лагерьёсын шутэтскозы

  • 701
  • 0
Ижкар / Удмуртия
120 сюрслэсь трос пиналъёс туэ гужем Удмуртиысь нылпи лагерьёсын шутэтскозы
Туспуктэм: Григорий Фомин

Туэ гужем Удмуртиысь 120 сюрслэсь трос пиналъёс но быдэ вуымтэос нылпи лагерьёсын шутэтскозы. Со сярысь элькунысь дышетонъя но тодосъя министр Светлана Болотникова элькун тӧро дорын аппарат кенешонын вераз, ивортэ удысэтлэн пресс-службаез.

Пиналъёслэсь шутэтсконзэс радъян, тазалыксэс юнматон но уже интыян понна элькун коньдэтысь 363 миллион манет пала висъялозы. Чакламъя 128 сюрс 354 адями пӧртэм ужрадъёсы пыриськоз.

Субсидиослэн быдӟалазы муниципал кылдытэтын нылпиослэн оглом лыдзы но лагерьёсы кутыны чаклам пиналъёслэн лыдзы бордысь потэ. 2020-тӥ арын муниципал кылдытэтъёсын пиналъёслэн огъя лыдзы йылӥз ке, соослы шутэтсконэз радъяны тросгес коньдон висъямын луоз
Светлана Болотникова, Удмуртиысь дышетонъя но тодосъя министр

Нимысьтыз саклык нылпиослэсь мугорзэс кыдатонъя кун но муниципал лагерьёслэсь, элькун санаторийёслэсь ужан тӥрлыксэс выльдонлы висъялозы.

Удмуртиысь кивалтэтлэн тӧроез Ярослав Семёнов нылпиослэсь гужем шутэтсконзэс, соин валче кышкыттэмлыксэс, радъян ужез толалтэ шорын кутскыны туж шонер шуыса пусйиз.

Кылем арын куд-ог лагерьёс толэзьлы беромыса усьтӥськизы, нош куд-огъёсаз ми воксё но путёвкаосты вузаны ӧм лэзе, малы ке шуоно соос дасесь ӧй вал. Туэ ми сыӵе учыръёсты палэнтыны кулэ
Ярослав Семёнов, Удмуртиысь кивалтэтлэн тӧроез

Муниципал кылдытэтъёслэн тӧрооссы лагерьёслы ужаны лэзись ужкагазъёсты дыраз басьтэмзэс чакланы но ужкагазъёстэк ужез кутскон учыръёсты алыны кулэ. Озьы ик ӧнерчиосты дасян, лагерьёсысь чагыр эстӥськонэн ужась арбериосты, тылпу утиськон сӧзнэтъёсты ялан чаклан, ӟечлыко юо ву сётон ласянь рос-просгес ужаны ӵектӥзы.

Светлана Болотниковалэн кылъёсызъя, нылпиослэсь шутэтсконзэс радъянъя но мугорзэс кыдатонъя реестре лагерьёсын сётэм ивортонъёслэсь зэмлыксэс 2020-тӥ арысен министерство чаклалоз. Озьы ик реестрез кылдытон но нуон радлык но воштӥськиз. Со сяна, 2020-тӥ арын юридик огазеяськонъёсыны но нимаз ужбергатӥсьёс дорын эскеронъёс ортчытон радлыкез юнматӥзы. Отчы дышетон огазеяськонъёсын нуназеосы ужась лагерьёс пыризы. Тросэз эскеронъёс инвожое ортчозы. 

Наши партнеры

Наверх
Вниз