Ижкар+18 °C
6 -тӥ гудырикошкон 2020 Покчиарня
16+

Выль ясли-сад усьтӥзы Алнашын

  • 331
  • 0
Ижкар / Удмуртия
Выль ясли-сад усьтӥзы Алнашын
Туспуктэм: Удмуртиысь тӧроезлэн но кивалтэтлэн пресс-службазы

Алнашын 80 интылы чаклам «Дубки» ясли-сад усьтӥзы. Ужъёсты Росси азьмуртэн кичӧлтэм «Демография» йӧскалык ӵектос улсын быдэстӥзы. Со сярысь Удмуртиысь тӧролэн но кивалтэтлэн пресс-службазы ивортэ.

Нылпи садэз 2019-тӥ арын толсуре пуктыны кутскизы. Ӵектослэн дуныз 92 миллион манет луиз, со пӧлысь 41 миллион манетсэ федерал коньдэтысь висъязы, 51 миллионзэ – элькунысь.

«Дубки» нылпи садын туала куронъёслы тупась пӧран тӥрлык, кӧлон но шудон висъетъёс, вӧлмыт актовой зал, пӧртэм шудонъёс вань. Со сяна, визьнодасьёслы нимысьтыз программа быръемын, кудӥзъя соос покчиосты азинтыны быгатозы. Татчы матысь гуртъёсысь пиналъёсты ваё
Алексей Семёнов, Алнаш ёрослэн тӧроез

Ясли-садэ пиналъёсты 14-тӥ толшоре кутыны кутскизы. Тужгес пичиезлы нылпилы 7 толэзь гинэ. 1-тӥ куарусёнлы эшшо одӥг ясли-сад пуктыны кулэ. Сое усьтэм бере черодэз быдтыны луоз.

Куинь аресозь покчиослы нылпи садъёсын интыос кылдытон азьмуртэн пуктэм ужпумъёс пӧлысь одӥгез валтӥсез. Сое 2021-тӥ арлы быдэстыны кулэ ни
Светлана Болотникова, Удмуртиысь дышетонъя но тодосъя министр

Солэн кылъёсызъя, али ужзэс ӟечлыко быдэстӥсь лэсьтӥськисьёс вань, котькудӥз ӵектос вылтусызъя но пуштросэзъя аспӧртэм луэ.

2019-тӥ арын ми «Демография» йӧскалык ӵектос улсын пуктэм ясли группаосын 27 юртъёсты уже кутӥм. Ужпум капчи ӧй вал, угось ар кутсконын милям ӵектосъёс но ӧй вал ай
Александр Бречалов, Удмуртилэн тӧроез

Тодэ вайытом, азьвылгес Ува каргуртын 80 интылы «Умка» ясли усьтӥзы.



Наверх
Вниз