Ижкар+18 °C
1 -тӥ коньывуон 2020 Покчиарня
18+

Ижысь гурт возёсъя академие пырыны ватсаса баллъёс басьтыны быгатозы пиналъёс муш утёнъя конкурсын вормыса

  • 419
  • 0
Ижкар / Удмуртия
Ижысь гурт возёсъя академие пырыны ватсаса баллъёс басьтыны быгатозы пиналъёс муш утёнъя конкурсын вормыса
Туспуктэм: Руслан Нуриахметов

Ижысь гурт возёсъя кун академия школаын дышетскисьёсты но студентъёсты тодосъя- эскеронъя «Вордскем шаерын муш вордон» («Пчеловодство родного края») элькун вожвылъяськонэ пыриськыны ӧтё. Вормисьёс дышетсконние пырыкузы ватсаса баллъёс басьтыны быгатозы. Со сярысь Удмуртиысь дышетонъя но тодосъя министерстволэн пресс-службаез ивортэ.

Ужъёсты таӵе ӧръёсъя дасяны луэ:

- муш вордонлэн историез;

- мушкасьёслэн выжызы;

- чечы сётӥсь будосъёс;

- экология но мушъёс.

Озьы ик «Вордскем шаерын муш вордон» темалы тупась мукет ужъёс но быдэстыны луоз.

Вожвылъяськонэ пыриськон понна нырысь-валысь куриськонъёсты 20-тӥ куартолэзёзь кутозы

Конкурс кык люкетэз ортчоз. Нырысетӥ люкетэз заочной луоз, ӧри пыриськисьёслэсь докладъёссэс но тодматонъёссэс эскероз но устооссэ ужъёсты быръёз. Соослэсь авторъёссэс кыкетӥ люкетаз ӧтёзы, соос ӵектосъёссэс калык азьын утёзы ни.

Вормисьёс но призёръёс гурт возёсъя академилэсь грамотаоссэ басьтозы, кудъёсыз дышетсконниысь вожвылъяськонлэн темаезъя тупась ӧръёсы пырыку огъя кун экзамен борды ватсаса 5-10 балл ватсаны луонлык сётозы.

Куриськонъёсты но ужъёсты lidakolbina@yandex.ru электрон почтае келяно.

Тодэ вайытом, Удмуртиысь гурт возёсъя министерство Выльысь улӟытэм гуртъёслэн «Деревня – душа России» нырысетӥ улосвылкуспо фестивальзылы пус кылдытонъя вожвылъяськон ялӥз



Наверх
Вниз