Ижкар+18 °C
6 -тӥ гудырикошкон 2020 Покчиарня
16+

Удмуртиысь сизьым школаосысь пиналъёс «Здоров от коров» вожвылъяськонын вормисьёс пӧлы сюризы

  • 356
  • 0
Ижкар / Удмуртия
Удмуртиысь сизьым школаосысь пиналъёс «Здоров от коров» вожвылъяськонын вормисьёс пӧлы сюризы
Туспуктэм: Григорий Фомин

Удмуртиысь сизьым школаосысь пиналъёс «Здоров от коров» вожвылъяськонын вормисьёс пӧлы сюризы. Со сярысь элькунысь гурт возёсъя но сиён-юонъя министерстволэн пресс-службаез ивортэ.

Вожвылъяськон 2019-тӥ арын 25-тӥ куарусёнысен 15-тӥ толшорозь ортчиз. Отчы «Школьное молоко» программаез улонэ пыӵатӥсь 18 улосвылъёсысь 1-11 классъёс пыриськизы. Пиналъёслы «Здоров от коров» темая видеоролик лэсьтоно но отын верано вал, мар кароно таза луон понна. Вожвылъяськонэ оглом 450 ужъёс вуизы, 66-ез соос пӧлысь – Удмуртиысь.

Элькунысьтымы сизьым классъёсты вормисен лыдъязы. Сарапулысь 4 номеро школа-интернатэз но Балезиноысь нылпи юртэз нимысьтыз номинациосын пусйизы.

Элькунмы «Школьное молоко» программае 2006-тӥ арысен пыриське. 2018-2019 дышетскон аръёсы школаосын 51 сюрс 969 пиналъёс дунтэк йӧл басьтӥзы

Элькунамы 13 ар ӵоже программаез пыӵатон улсын таза пиналъёслэн лыдзы 4,5 процентлы йылӥз. Озьы ик «Школьное молоко» агропром огъетэз азинтонлы умой юрттэт луэ.

Тодэ вайытом, 2019-тӥ арын Удмуртиысь гурт но фермер возёсъёс 758 сюрс 900 тонна йӧл кыскизы. 2018-тӥ арен ӵошатыса, со 8,2 процентлы тросгес.  



Наверх
Вниз