Ижкар-3 °C
24 -тӥ тулыспал 2020 Вордӥськон
16+

Уваысь дышетскись «Без срока давности» огъяросси вожвылъяськонлэн улосвыл люкетаз вормиз

  • 627
  • 0
Ижкар / Удмуртия
Уваысь дышетскись «Без срока давности» огъяросси вожвылъяськонлэн улосвыл люкетаз вормиз
Туспуктэм: Алексей Арзамасцев

Удмуртиысь Ува черкогуртысь 4 номеро школаын 7-тӥ классын дышетскись Яна Кононова сочинениосъя «Без срока давности» огъяросси вожвылъяськонлэн улосвыл люкетаз вормиз. Табере солэсь «Ночь перед боем» вероссэ вожвылъяськонлэн федерал люкетаз келялозы. Со сярысь Удмуртиысь дышетонъя но тодосъя министерстволэн пресс-службаез ивортэ.

Вожвылъяськонлэн Удмуртиын кураторез Владимир Осипов ужъёс кужмоесь шуыса пусйиз. Жюрилэн ёзчиосызлы тужгес устозэ бырйыны капчи ӧй вал вал.

Яна Кононовалэн ужез соин тунсыко, нылпилэн узыр культурологической инъетэз вань. Вань темаос, кудъёссэ малпаны уг луы, культурологической инъет, вакыт, ож, адямилэн сямъёсыз сярысь тодон-валан луыны кулэ
Владимир Осипов, вожвылъяськонлэн Удмуртиын кураторез
 

Вожвылъяськон 9-тӥ толсуре кутскиз но кӧня ке люкетэн ортчиз. Школаосын радъям люкетаз 1 сюрс 458 пиналъёс пыриськизы. Муниципал люкетэ 311 ужъёс потӥзы. Соос пӧлысь 26-сэ гинэ улосвыл люкетэ кутӥзы.

Сочинениосъя вожвылъяськонэ тКез ёросысь пиналъёс ужгес но мыло-кыдо пыриськизы. Школа люкетэ соос 113 уж дасязы. Соос бӧрсьы Пичи Пурга но Можга ёросъёс мыно

Улосвыл люкетэ котькуд муниципал кылдытэтлэсь одӥг гинэ ужез басьтӥзы. Федерал люкетэ но улосвыллэсь одӥгзэ, тужгес устозэ, ужез келязы.

Тужгес трос ужъёс «Великая Отечественная война в истории семьи» но «Биография участников боевых действий» темаосъя вуизы.

Ужъёс верос, гожтэт жанрын вал. Очерк гожтӥсьёс но висъяськизы. Ужъёс сюлмысь гожтэменызы паймыто. Тросэз пиналъёс сётэм темаосы выйизы но песянай-песятайёссылэсь, ӵыжы-выжыоссылэсь улон-вылонзэс эскеризы. Тросэз ужъёс борды туспуктэмъёс ватсамын вал
Владимир Осипов, вожвылъяськонлэн Удмуртиын кураторез

«Без срока давности» огъяросси вожвылъяськонлэн улосвыл люкетаз вормисьёсты 26-тӥ южтолэзе Ижкарысь 86 номеро гуманитарно-юридической лицейын пусъёзы.

Тодэ вайытом, Удмуртиысь 11-18 аресъем пиналъёс «Бессмертный полк России» движениен ялэм эскерон ужъёсъя «Правнуки Победителей – 2020» вожвылъяськонэ пыриськыны быгато

Наши партнеры

Наверх
Вниз