Ижкар-3 °C
24 -тӥ тулыспал 2020 Вордӥськон
16+

Удмурт ӝӧквыл шудонъёсын тодматӥзы Удмурт кун университетысь студентъёсты

  • 329
  • 0
Ижкар / Удмуртия
Удмурт ӝӧквыл шудонъёсын тодматӥзы Удмурт кун университетысь студентъёсты
Туспуктэм: vk.com (ОВВР вконтакте)

Удмурт кун университетын дышетскисьёсты удмурт ӝӧквыл шудонъёсын тодматӥзы. Студентъёслэн активзылэн дышетсконаз шудонъёсты кылдытӥсьёс но Удмуртиысь Калыкъёслэн эшъяськон юртысьтызы ӧнерчиос вуылӥзы. Со сярысь ужъюртлэн пресс-службаез ивортэ.

Азьветлӥсь студентъёслэн арлы быдэс ортчись дышетсконзы туэ «Дас зарни малпанъёс» нимаськиз. Солэн валтӥсь ужпумез Удмуртилэн кунлыкезлы 100 ар тырмонлы 10 «зарни» ӵектосъёс кылдытон но соосын тодматон луиз.

Chukinder огазеяськонысь егитъёс УдГУ-ын дышетскисьёсты «Вожодыр» но «Ӟеч перепеч» шудонъёсын тодматӥзы.

«Вожодыр» - «Мафия» визьсынан шудонлы укша, персонажъёсыз  удмурт мифологиысь басьтэмын. Нош «Ӟеч перепеч» - картаосын Uno шудонлэн версиез. Авторъёслэн малпамзыя, шудӥсьёс карточкаоссылэсь «перепеч» пӧрало. Вормисе потэ со, кинлэн перепечез тужгес бадӟым пӧрме

Озьы ик студентъёслы удмурт кылъя «Джечь буречь или Ӟечбуресь? Удмуртский для всех!» урок ортчытӥзы. Сыӵе урокъёсты нуон пособилэн авторез Августина Михайлова удмурт алфавитэн, куд-ог куараосты веранлэн аспӧртэмлыкенызы, кулэ луыны быгатӥсь веранъёсын но удмурт кылэз дышетонъя туала ватсэтъёсын (приложениосын) тодматӥз.

Пумиськон «Шуныт фетр» мастер-классэн йылпумъяськиз. Егитъёсты удмурт пужыосын пӧсь улэ понон лэсьтыны дышетӥзы, котькуд пужылэн валатонэныз тодматӥзы.

Тодэ вайытом, кемалась ӧвӧл Ижкарын «Вожодыр» шудонъя нырысетӥепӥез турнир ортчиз. Нош удмурт кылъя «Джечь буречь или Ӟечбуресь? Удмуртский для всех!» урокъёс кылем арын шуркынмонэ Удмурт кыллэн дунневыл нуналаз радъяськизы

Наши партнеры

Наверх
Вниз