100 лет государственности Удмуртии
Ижкар+19 °C
5 -тӥ инвожо 2020 Удмуртарня
16+

Анай кыллы дышетӥсь тужгес усто визьнодасьёсты шараянъя вожвылъяськон ялӥзы Удмуртиын

  • 802
  • 0
Ижкар / Удмуртия
Анай кыллы дышетӥсь тужгес усто визьнодасьёсты шараянъя вожвылъяськон ялӥзы Удмуртиын
Туспуктэм: udmniino.ru

Удмуртиын «Нылпиосты анай кыллы дышетӥсь устоез визьнодась» («Лучший воспитатель, обучающий детей родному языку») элькун вожвылъяськонэ пыриськыны куриськонъёс кутыны кутскизы. Ужрад элькунмылэн кунлыкезлы 100 ар тырмонлы сӥземын. Со сярысь улосвылысь дышетонъя но тодосъя министерстволэн пресс-службаез ивортэ.

Конкурсэ пыриськыны нылпи садъёсын удмурт, бигер, пор, еврей кылъёслы дышетӥсь визьнодасьёсты но ватсаса тодон-валан сётӥсь дышетӥсьёсты ӧтё.

Вожвылъяськонэз элькунын пичи аресысен кылъёсты дышетон сӧзнэтэз азинтон вылысь ортчыто

Элькун вожвылъяськон кык люкетэн ортчоз. Нырысетӥяз пыриськисьёслы «Мои методические находки» темая ӟуч кылын эссе гожтоно, конспект дасяно но занятиысь видеозапись лэсьтоно но ваньзэ сое 20-тӥ оштолэзёзь вожвылъяськонъя ӧрие келяно. Жюрилэн ёзчиосыз со ужъёсты 1-тӥ инвожоозь эскерозы но тужгес устоосызлэсь авторъёссэс вожвылъяськонлэн кыкетӥ люкетаз ӧтёзы, со 10-тӥ инвожое ортчоз.

Кыкетӥ люкетэ потэмъёс ужрадэ пыриськисьёслы вазиськонэн, «Мой район, мой детский сад, моя профессиональная деятельность» темая презентациен, йӧскалык дӥськут возьматонэн асэнызы тодматоно луозы. Озьы ик анай кыллы дышетонын выль технологиосты кутонъя мастер-класс ортчытозы но кыккылолыко яке троскылолыко югдурын анай кыллы дышетонын лэчыт ужпумъёс сярысь пресс-конференцие пыриськозы.

Ужъёсты roz-kuznecova@yandex.ru электрон почтае куто. 

Тодэ вайытом, удмурт кылэз тодӥсь 9-11 классъёсын дышетскисьёсты но колледжъёсысь, университетъёсысь студентъёсты покчиослы литератураез ӟучысь удмурт кылэ берыктонъя «Лулчеберет выж: ӟуч - удмурт» калыккуспо вожвылъяськонэ пыриськыны ӧтё.



Наверх
Вниз