Ижкар-3 °C
24 -тӥ тулыспал 2020 Вордӥськон
16+

Удмурт пиналъёс понна туала ӧнеръёслы дышетсконъёс радъяло Удмуртиын

  • 522
  • 0
Ижкар / Удмуртия
Удмурт пиналъёс понна туала ӧнеръёслы дышетсконъёс радъяло Удмуртиын
Туспуктэм: Алексей Арзамасцев

Удмурт дышетскисьёслэн ӵектосъёсъя офиссы элькунысьтымы пиналъёс понна «Стажировка в проект» нимо выль дышетскон курссэ мытэ. Со сярысь ӵектослэн «ВКонтакте» мерлыко вотэсысь огиназ ивортэмын.

Дышетскисьёсты копирайтер, графикая дизайнер, ӵектосъёсъя менеджмент но SMM ӧнеръёслы дышетозы

Программае пыриськыны мерлыко ӵектосъёс кылдытъяны но соосты улонэ пыӵатыны, выль ӧнеръёсын тодматскыны, ӧнерчиослэсь визь-кенеш басьтыны, портфолиозэс выль вормонъёсын узырмытыны, дырзэс пайдалыко ортчытыны но Удмурт дышетскисьёслэн ӵектосъёсъя офиссылэн бадӟым командаезлэн люкетэз луыны мылкыд карисьёсты возьмало.

Куриськонъёсты чӧлсконпусъя келяно.

Конкурс пыр ортчем дышетскисьёс понна 23-28 южтолэзе дышетскон лагерь смена радъялозы. Отын соос бадӟым улосвыл ӵектосъёсты улонэ пыӵатонын тодон-валанзэс кутыны быгатозы
Пусъём, программа Егитъёслэн ужъёссыя федерал агентстволэн (Росмолодёжь) грантэзлы луыса улонэ пыӵатӥське но Ижкарысь Кузебай Герд нимо йӧскалык гимназиын радъяське.

Тодэ вайытом, Удмурт дышетскисьёслэн ӵектосъёсъя офиссы кылем арын оштолэзе ужзэ мытӥз вал. Со улсын Ижкарын дышетӥсьёслы но, ёросъёсын пиналъёслы ӵектосъёс бордын ужанъя семинаръёс ортчытӥзы. Пиналъёслэсь тужгес усто ӵектосъёссэс грантъёсын пусйизы

Наши партнеры

Наверх
Вниз