100 лет государственности Удмуртии
Ижкар+7 °C
4 -тӥ оштолэзь 2020 Кӧснунал
16+

Кык выль ясли усьтӥзы Эгра каргуртын

  • 314
  • 0
Эгра / Удмуртия
Кык выль ясли усьтӥзы Эгра каргуртын
Туспуктэм: Руслан Нуриахметов

6-тӥ тулыспалэ Эгра каргуртын кык выль яслиосты усьтӥзы. Котькудӥз куинь аресозь 80 нылпиос понна чакламын.

Милям одӥг аресысен куинь аресозь интыослы кулэяськон ворсаське. Кинлы инты кулэ вал, соос басьтӥзы. Матысь гуртъёсысь но черкогуртъёсысь пиналъёссэс вайыны мылкыд каризы ке, соослэн вал сыӵе луонлыксы. Группаос люкамын но сад быдэсак тырмытэмын
Елена Ускова, Эгра ёрос администрациысь дышетонъя управленилэн кивалтӥсез

Яслиосты нылпи садъёсын но школаосын артэ пуктӥзы. Озьы пиналъёслы дышетонлэн мукет ёзъёсаз выжыны капчигес луоз.

Лэсьтӥськонлы Росси азьмуртэн Владимир Путинэн кичӧлтэм «Демография» йӧскалык ӵектосъя 145 миллион манет быдтӥзы

Выль юртъёсын спортъя но крезьгуръя залзы, эм висъет вань. Группаосы манежъёс, пиналъёсты бинялтыны ӝӧкъёс но шудонъёс басьтӥзы.

Нырысь ик ужасьёсты быръён ласянь шугъяськонъёс вал ке, туннэ милям черод кылдӥз ни. Татын туж умой. Ёросамы выль ужан интыос усьтыны луонлык кылдӥз
Наталья Скворцова, Эграысь 5 номеро нылпи садлэн кивалтӥсез

Эграын кык выль яслиосты усьтӥзы

13 фото

Удмуртиын кык ар ӵоже 27 нылпи садъёс пуктӥзы. Соослы 2 миллиард манет висъязы. Со пӧлысь ӝыныезлэсь кӧня ке тросэзгес федерал коньдэтысь вуиз, кылемез – элькун коньдэтысь. Выль нылпи садъёсы 2 сюрс пала покчиос ветло.

2020-тӥ арын ми сизьым яслиос пуктӥськомы. Ижкарын но Сарапулын 220 интылы бадӟым яслиос луозы. Ёросъёсын 80 интылы юртъёс лэсьто, но ёрослэн пӧртэм люкетъёсаз, озьы анайёслы нылпиоссэс нуллыны капчигес луоз
Анастасия Муталенко, Удмуртиысь кивалтэтлэн тӧроезлэн воштӥсез

2024-тӥ арлы Удмуртиын куинь аресозь вань нылписоты яслие басьтыны луонлык кылдытыны чаклало.

Тодэ вайытом, туэ толшор пумын Алнашын выль яслиез усьтӥзы.



Наверх
Вниз