100 лет государственности Удмуртии
Ижкар+19 °C
31 -тӥ куартолэзь 2020 Воскресенье
16+

Бадӟым классъёслы удмурт кылъя учебник потӥз Удмуртиын

  • 1505
  • 0
Ижкар / Удмуртия
Бадӟым классъёслы удмурт кылъя учебник потӥз Удмуртиын
Туспуктэм: Руслан Нуриахметов

Удмуртиысь Дышетон удысысь йӧскалык ужпумъёсты эскеронъя тодос институтлэн тыршемезъя 10-11 классъёсын дышетскисьёслы удмурт кылъя учебник потӥз. Вуоно дышетскон арысен пиналъёс выль стандартъёсъя, удмурт литератураез сяна, удмурт кылэз но дышетыны быгатозы. Со сярысь ивортодэтъя «Удмуртия» агентстволы учебниклэн огез авторез но огъясь редакторез Любовь Вахрушева вераз.

Учебник кылдытэмын, шор ёзо дышетонлэн федерал кун стандартэз вылэ пыкиськыса. Вань дышетон материал текстъёс вылын сётэмын. Текст бордын ужан дышетскисьёсты котыр ласянь азинтэ, шонер гожъяськыны, пӧртэм вераськон югдуръёсы чебер вераськыны дышетэ
Любовь Вахрушева, учебниклэн авторез

Озьы ик учебнике текстъёсты вошъян-тупатъян ужъёс пыртэмын. Со но нылпиослэсь шара вераськон кылзэс но сочинениос гожъяны быгатонлыкъёссэс азинтыны юрттоз.

Со сяна, учебниклэн пуштросаз творческой ужъёслы бадӟым саклык висъямын: кылсярысь, ивортодэтэз утчан, сое сэрттон-пертчон, соя кенешон но мукет. Учебник визьнодась, малпаськытӥсь текстъёсын узыр. Соосты лыдӟыса, дышетскисьёс ас мылкыдзэс верало, дунъет сёто.

Туала вакытэ школаын нылпиосты проектъёс гожъяны дышетон одно быдэстоно уж луэ. Соин учебниклэн пуштросаз проектъёс гожъяны чакламын, кылсярысь, удмуртъёс сярысь вашкала гожтэмъёсты эскеронъя, газетэ статья дасянъя проектъёс
Любовь Вахрушева, учебниклэн авторез

Любовь Вахрушева сяна, учебникез кылдытон бордын Надежда Тимерханова но Надежда Ураськина ужазы

 2021-тӥ арысен 11-тӥ классэз йылпумъясьёс удмурт кылъя огъя элькун экзамен сётыны быгатозы. Со ас мылкыд каремъя быръем тодметъёс пӧлын луоз. 

Тодэ вайытом, 2020-тӥ арын Удмуртиын нырысьсэ китай кылъя огъя кун экзамен сётозы



Наверх
Вниз