Ижкар+22 °C
8 -тӥ гудырикошкон 2020 Кӧснунал
16+

Удмурт кылъя но литературая улосвылкуспо олимпиада ортче Ижкарын

  • 261
  • 0
Ижкар / Удмуртия
Удмурт кылъя но литературая улосвылкуспо олимпиада ортче Ижкарын
Туспуктэм: Руслан Нуриахметов

27-тӥ тулыспалэ Ижкарысь Кузебай Герд нимо йӧскалык гимназиын 9-11 классъёсын дышетскисьёслэн удмурт кылъя но литературая улосвылкуспо олимпиадазы ортче. Со сярысь Удмуртиысь дышетонъя но тодосъя министерстволэн пресс-службаез ивортэ.

Олимпиадае Удмуртиысь 23 муниципал кылдытэтъёсысь, озьы ик Татарстанысь но Башкортостанысь 163 дышетскисьёсты ӧтизы

Вань пыриськисьёс таяз дышетскон арын олимпиадалэн муниципал люкетаз вормисьёс луо. Тодон-валанъёсты эскерон удмурт кылэз тодӥсьтэм но тодӥсь пиналъёс пӧлын нимаз мынэ. Дунъет озьы ик нимаз котькуд тодметъя сётозы - «Удмурт кыл» но «Удмурт литература».

Вормисьёслэн но призёръёслэн нимъёссы 28-тӥ тулыспалэ тодмо луозы. 

Тодэ вайытом, та нуналъёсы Удмуртиын 10-11 классъёсын дышетскисьёслы удмурт кылъя учебник потӥз, сое вуоно дышетскон арысен уже кутозы.



Наверх
Вниз