Ижкар+32 °C
10 -тӥ пӧсьтолэзь 2020 Удмуртарня
16+

80 интылы нылпи сад усьтӥзы Дэри черкогуртын

  • 887
  • 0
Дэри / Удмуртия
80 интылы нылпи сад усьтӥзы Дэри черкогуртын
Туспуктэм: Руслан Нуриахметов

Дэри черкогуртын «Дружба» нылпи сад усьтӥзы. Озьы школалэсь азьвыл дышетон огазеяськонэ интыослы кулэяськисьёслэсь черод 80 адямилы кулэсмиз. Сӥё-дано ужрадэ ивортодэтъя «Удмуртия» агентстволэн корреспондентэз но вуылӥз.

Ёросамы школалэсь азьвыл дышетон огазеяськонын интыослы туж бадӟым кулэяськон. <…> Ми карлы матысь ёрос, соин ик ми Ижкар понна рекреационной инты но луиськом. Милям коттеджъёсын посёлокъёс трос. Калык лыктэ, соин валче нылпиослэн лыдзы но йылэ
Наталья Краснопёрова, Дэри ёрос администрациысь дышетонъя управленилэн кивалтӥсез

Юртэз пуктыны 90 миллион манетлэсь трос коньдон висъязы. Нырысетӥ араз татчы куинь аресозь покчиос гинэ лыктозы.

Черод вуэмез быдэс ар витимы. Мукет садике мыныны малпаськомы вал, но татын вылез усьтӥськиз бере, ми туж шумпотӥськомы. <…> Ӝоггес ветлоно ни вал, малы ке шуоно уже потыны кулэ ни
Ольга Яковлева, «Дружба» нылпи садэ шедем пиналлэн анаез

Нылпи сад 3-тӥ южтолэзе ужаны кутскоз ни. Отчы Дэриысь сяна, Октябрьской посёлокысь но матысь гуртъёсысь пиналъёс ветлозы. Ӧнерчиос ваньмыз сямен вань, одӥг гинэ визьнодась кулэ на.

Дэриысь «Дружба» нылпи сад

7 фото

Кызьы вераз Дэри ёрос администрацилэн тӧроезлэн мерлыко огъетъя воштӥсез Гульнара Шнейдер, «Демография» йӧскалык ӵектос улсын 2020-тӥ арын ёросын сизьым нылпи садъёс пуктӥзы. Со черодэз 530 адямилы кулэстыны луонлык сётӥз.

Матысь дыре Дэриын 80 интылы эшшо одӥг ясли усьтыны малпало.

Тодэ вайытом, 14-тӥ тулыспалэ Воткаын куинь нылпи садъёсын корка пырон пусйизы



Наверх
Вниз