100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

10-11 классъёсын дышетскисьёслы удмурт литературая выль учебникъёс потӥзы Удмуртиын

  • 778
  • 0
Ижкар / Удмуртия
10-11 классъёсын дышетскисьёслы удмурт литературая выль учебникъёс потӥзы Удмуртиын
Туспуктэм: vk.com (БНУУР НИИ НО (официальная страница))

Удмуртиысь Дышетон удысысь йӧскалык ужпумъёсты эскеронъя тодос институт 10-тӥ но 11-тӥ классъёсын дышетскись пиналъёслы удмурт литературая выль учебникъёс поттӥз. Со сярысь ужъюртлэн «ВКонтакте» мерлыко вотэсысь огиназ ивортэмын.

10-тӥ класслы 184 бамъем учебникез тодосчиос Светлана Арекеева, Лариса Фёдорова но Александр Шкляев дасязы. 11-тӥ класслы учебникез Вера Пантелеева, Лариса Фёдорова но Александр Шкляев гожтӥзы, таиз 264 бамен потӥз.

Котькудаз дышетскон книгаын удмурт литературалэсь историзэ инъет амалэн но муромытыса дышетыны чакламын. Муромытыса дышетонлы ӵектэм материал инъет амалэн дышетскисьёслы одно ик уже кутон вылысь сётэмын ӧвӧл ке но, со нылпиослэсь удмурт литератураен тусыкъяськон мылкыдзэс ӝутоз, лыдӟиськыны быгатонзэс азинтоз
Удмуртиысь Дышетон удысысь йӧскалык ужпумъёсты эскеронъя тодос институт

Выль учебникъёсын литературалэн историысьтыз нимаз вакытъёс сярысь ивортодэт обзор амалъя гожтэмын, со вакытъёслэн азинскон ӧръёссы но тодметъёссы, зэмос улонэн гердъёссы нимаз пусъемын. Дышетскон книгаос синмаськымон гожъяськисьёслэн нимъёсынызы но гожтосъёсынызы тодмато.

Дышетскисьёслэсь тодон-валанзэс, быгатонлыкъёссэс азинтон вылысь котькуд классын литературатодос но критика материалъёсын тодматскыны, пӧртэм эскерон ужъёс, проектъёс радъяны, тодослыко но творческой ужрадъёс ортчытыны ӵектэмын.

Котькуд нылпи, та учебникъёсын дышетскыса, удмурт литературая тодон-валанзэ паськытатоз, пушдуннезэ узырмытоз.

Тодэ вайытом, азьвылгес 10-11 классъёсын дышетскисьёслы удмурт кылъя учебник потӥз.



Наверх
Вниз