Ижкар+19 °C
14 -тӥ гудырикошкон 2020 Удмуртарня
16+

Туризмъя олимпиадае пыриськем понна Казаньысь академие пырыку ватсаса баллъёс басьтыны быгато Удмуртиысь дышетскисьёс

  • 801
  • 0
Ижкар / Удмуртия
Туризмъя олимпиадае пыриськем понна Казаньысь академие пырыку ватсаса баллъёс басьтыны быгато Удмуртиысь дышетскисьёс
Туспуктэм: Руслан нуриахметов

Удмуртиысь пиналъёслэн, туризмъя олимпиадае пыриськыса, Поволжьеысь физкультурая, спортъя но туризмъя академие пырыкузы огъя кун экзаменъёссы борды ватсаса вить балл басьтыны луонлыксы вань. Казаньысь дышетсконни 9-11 классъёсын но шор ёзо ӧнер дышетон ужъюртъёсын дышетскисьёс пӧлын туризмъя тодон-валанъёсты эскерон ортчытэ. Со сярысь элькунысь дышетонъя но тодосъя министерстволэн пресс-службаез ивортэ.

Олимпиада кӧня ке люкетэн радъяське:

  1. 1- 20 южтолэзе радъясьлэн olimptourkaz@mail.ru электрон адресаз куриськон но ӵектос келяно. Ӵектос 3-4 адямилэсь командаен лэсьтэмын луыны быгатэ. Заочной люкетъя 50 устооссэ олимпиадалэн очной люкетаз пыриськон понна быръёзы.
  2. 18-тӥ оштолэзе академиын олимпиадалэн очной люкетэз ортчоз. Отчы пыриськисьёс огъя географияя, туристъёслы объектъёсъя но учкымон интыосъя но мукетызъя 50 юанъёслы валэктонъёс сётозы. Кӧняез ке юанъёс Быдӟым Атыкай ожын Вормонлы 75 ар но Татарстанлы 100 ар тырмонлы сӥземын луозы.

Очной люкетъя олимпиадаын вормисьёсты шараялозы. Вормисьёсты дипломъёсын но дуно кузьымъёсын пусъёзы. 

Тодэ вайытом, Удмуртиын 10-11 классъёсын дышетскисьёслы удмурт литературая выль учебникъёс потӥзы.  



Наверх
Вниз