100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

80 интылы ясли усьтӥзы Удмуртиын

  • 698
  • 0
Кез / Удмуртия
80 интылы ясли усьтӥзы Удмуртиын
Туспуктэм: Анастасия Васильева

Удмуртиысь Кез каргуртын 80 интылы ясли усьтӥзы. Сое Росси азьмуртэн Владимир Путинэн кичӧлтэм «Демография» йӧскалык ӵектос улсын пуктӥзы.

Ӵектослэн вань проектно-изыскательской ужъёсыз лыдэ басьтыса быдэсак дуныз – 93 миллион манет
Иван Богданов, Кез ёрослэн тӧроез

Юртэз 2019-тӥ арын пӧсьтолэзе пуктыны кутскизы. Кезын яслие черодын кык толэзьысен куинь аресозь 165 пиналъёс лыдъясько. Таиз ясли 80 интылы чакламын. Каргуртын эшшо одӥг ясли пуктыны малпало – сое 2021-тӥ арын вуттозы.

Удмуртиысь дышетонъя но тодосъя министрлэн воштӥсезлэн Ирина Крохиналэн кылъёсызъя, элькунамы куинь аресозь пиналъёслы нылпи садъёс 79 процентлы тырмо.

2018-тӥ арысен ини ми та шугъяськонэз сэрттыны кутским – яслиос пуктыны. 27 объектъёс пуктэмын ини. <…> 2020-тӥ арын эшшо куать объектъёсты вуттыны чаклало, озьы ик вуоно арлы 14 объектъёс планэ пуктэмын
Ирина Крохина, Удмуртиысь дышетонъя но тодосъя министрлэн воштӥсез

Выль яслие пиналъёс 4-тӥ южтолэзе лыктозы ини. 

Тодэ вайытом, азьвылгес 80 интылы нылпи сад Дэри черкогуртын усьтӥзы.



Наверх
Вниз