100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

27 арскын нырысьсэ Глазкарын выль нылпи сад усьтӥзы

  • 721
  • 0
Глазкар / Удмуртия
27 арскын нырысьсэ Глазкарын выль нылпи сад усьтӥзы
Туспуктэм: Анастасия Васильева

27 арскын нырысьсэ Глазкарын выль нылпи сад усьтӥзы. Со сярысь Удмуртиысь тӧролэн но кивалтэтлэн пресс-службазы ивортэ.

Нылпи садэз Пастухов нимо урамын пуктӥзы. Отысь микрорайонын куашкан калэ вуэм юртъёсын улӥсьёсты выжтон понна коркаос ӝутэмын.

Глазкарысь дышетонъя управлениын верамзыя, куинь ареслэсь бадӟым пиналъёслы нылпи садэ интыос ласянь ужпум карын сэрттэмын-пертчемын ни, но ясли группаослы кулэяськон вань на. Таяз арын садике путёвкаослы черодын 200 пала пиналъёс сыло. Выль нылпи садэз усьтыса, югдур кӧня ке капчигес луоз.

Ми та ужпумез 2018-тӥ арын сэрттыны-пертчыны кутским. 27 объектъёс пуктӥмы ни. Азьланяз куинь аресозь нылпиослы интыос кылдытон ужпум пуктӥське. 2020-тӥ арын эшшо куать объектъёс вуттыны малпаськом, вуоно арын – 14
Ирина Крохина, Удмуртиысь дышетонъя но тодосъя министрлэн воштӥсез

Югдурез али ужась нылпи садъёсын ватсаса интыос кылдытыса но частной нылпи садъёс усьтыса умоятыны малпало. Ирина Крохиналэн кылъёсызъя, частной садъёсы путёвкаослэн дунзылэсь кышкано ӧвӧл, угось «Демография» йӧскалык ӵектосъя солэсь люкетсэ анай-атайёслы берыктыны чакламын.

Глазкарын 80 интылы нылпи садэз Росси азьмуртэн Владимир Путинэн кичӧлтэм «Демография» йӧскалык ӵектосъя пуктӥзы. 13-тӥ южтолэзе Сарапулын кык выль садъёс пиналъёсты пумиталозы.

Тодэ вайытом, 3-тӥ южтолэзе Кез каргуртын выль нылпи садэз усьтӥзы



Наверх
Вниз