Ижкар+10 °C
22 -тӥ куарусён 2020 Пуксён
18+

Удмуртиысь дышетскисьёс огъяросси вожвылъяськонъёслэн финалазы потӥзы

  • 772
  • 0
Ижкар / Удмуртия
Удмуртиысь дышетскисьёс огъяросси вожвылъяськонъёслэн финалазы потӥзы
Туспуктэм: Григорий Фомин

Удмуртиысь вить дышетскисьёс Инкуазез пинал эскерисьёслэн огъяросси вожвылъяськонзылэн но «Моя малая родина: природа, культура, этнос» огъяросси вожвылъяськонлэн йылпумъян люкетазы потӥзы но 1-4 оштолэзе Москваын очной люкетъёсаз пыриськозы. Со сярысь элькунысь дышетонъя но тодосъя министерстволэн пресс-службаез ивортэ.

Инкуазез эскерисьёслэн вожвылъяськоназы финалэ шедизы Ижкарысь 14 номеро лицейысь Дании Борисов («Эколого-фаунистическая характеристика макрозообентоса родниковых ручьев» уженыз) но Воткаысь экологияя но биологияя центрысь Владислав Лигай («Сравнение орнитофауны в разных биотопах города Воткинска).

«Моя малая родина: природа, культура, этнос» вожвылъяськонын Удмуртилэсь данзэ куинь пиналъёс утёзы. Соос пӧлын Пичи Пургаысь нылпи творчествоя центрын дышетскись Екатерина Аркова. Дунъясьёс солэсь «Медоносная пчела – живой символ моей малой родины» ужзэ пусйизы. Сьӧлтаысь школаын дышетскись Марина Лимонова удмуртъёслэн корка пуктон сямъёсазы но йылолъёсазы инкуазез утёнэз эскериз. Ува ёросысь Кыйлуд школаысь Владимир Кошовкин «Герой живет рядом» темая уж гожтӥз.

Заочной люкетэ Россилэн 73 улосвылъёсысьтыз 5-11 классъёсын дышетскисьёс пыриськизы. Соос 771 ужен тодматӥзы. Йылпумъян люкетаз 207 дышетскисьёс потӥзы

Тодэ вайытом, Удмуртиысь пиналъёслэн, туризмъя олимпиадае пыриськыса, Поволжьеысь физкультурая, спортъя но туризмъя академие пырыкузы огъя кун экзаменъёссы борды ватсаса вить балл басьтыны луонлыксы вань. 



Наверх
Вниз