100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

Удмуртиысь школаос каникулъёс бере дистанционной амалэн дышетонэ выжозы

  • 358
  • 0
Ижкар / Удмуртия
Удмуртиысь школаос каникулъёс бере дистанционной амалэн дышетонэ выжозы
Туспуктэм: Руслан Нуриахметов

30-тӥ южтолэзьысен 12-тӥ оштолэзёзь Удмуртиысь школаос дистанционной амалэн дышетонэ выжозы. Сыӵе пумкылъянэ улосвылысь дышетонъя но тодосъя министерстволэн кылдэм эпидемиологи югдурын дышетонэз дистанционной амалэн радъянъя ужась группаезлэн кенешоназ вуизы. Со сярысь удысэтлэн пресс-службаез ивортэ.

23-тӥ южтолэзе Удмуртиысь тросаз школаосын тулыс каникулъёссы кутскозы

Каникулъёс бере 12-тӥ оштолэзёзь школаосын но шор ёзо ӧнер дышетсконниосын дышетон дистанционной технологиосты кутыса нуиськоз. Улосвыламы эпидемиологи югдур умой возиськиз ке, кружокъёс но секциос ужалозы, но эрико ветлон луоз
Ирина Крохина, Удмуртиысь дышетонъя но тодосъя министрлэсь ужзэ быдэсъясь

Россиысь калыкез дышетонъя (просвещениея) министерство дышетонэз дистанционной амалэн радъян сярысь ӵектонъёс дасяз, улосвылъёсы соос 23-тӥ южтолэзёзь вуыны кулэ, вераз элькун министрлэсь ужзэ быдэсъясь.  

Ирина Крохиналэн кылъёсызъя, каникулъёс дыръя вань школаос усьтэмын луозы, уго куд-ог анай-атайёс пиналъёссэс огназэс доразы кельтыны уг быгато. Соин ик кулэ луиз ке, соос нылпизэс школае келяны быгатозы, дышетӥсьёс соослы урокъёс ортчытозы.

Анай-атайёсты пиналъёсынызы ӵош вузкарон-шутэтскон центръёсы, клубъёсы ветлонлэсь возиськыны куро

Ирина Крохина элькунысь нылпи садъёс дышем сямен ужалозы шуыса пусйиз. Али соосты пуэдэн но лек вирус инфекциен трос висисьёс луэмен сэрен гинэ ворсаны быгато.

Нылпи садъёс пуэд дыръя эпидемологи режимъя ужало. Группаын 20 процентэз пиналъёс висё ке, группа карантинэ потэ, нылпи садын 30 процентэз пиналъёс висё ке, нылпи сад ворсаське. Мукет учыръёсы нылпи садъёс ужало. Чаклан амалъёс кужмоятӥсько, ватсаса дезинфекци лэсьтӥське, висъетъёсты тӧлато. Малы ке шуоно анай-атайёслы ужаны кулэ
Ирина Крохина, Удмуртиысь дышетонъя но тодосъя министрлэсь ужзэ быдэсъясь

Со сяна, Ирина Крохина кунгож сьӧрын шутэтсконысь бертэм семьяослы нимысьтыз саклык висъяны куриз. Пусъемын со кунын коронавирус яке ӧвӧл, соос ӟырдыт телефон линие жингыртыны но ӵектонъёс басьтыны кулэ. Семя сьӧрлось лыктэмез сярысь нокинлы ӧз иворты ке, соку ини кунпуж ужъёсъя министерство итӥськоз, алӥз Ирина Крохина. 

Шор ёзо ӧнер дышетсконниосын дышетон озьы ик дистанционной амалэн радъяськоз.

Татын теорияя но практикая курсъёс вань. Котькуд шор ёзо ӧнер дышетсконниын 12-тӥ оштолэзёзь чаклам нимысьтыз расписание кылдытэмын луоз, теорияя люкетэз быдэсак дистанционной амалэн сётӥськоз, нош практика берлолы кылёз
Ирина Крохина, Удмуртиысь дышетонъя но тодосъя министрлэсь ужзэ быдэсъясь

Пусъём, элькунысь вылӥ дышетсконниос дистанционной амалэн дышетонэ потон сярысь пумкылъянъёс асьсэос куто. Удмурт кун университет, кылсярысь, дистанционной амалэ выжыны малпанэзлэсь куштӥсьиз.

Со сяна, котькуд муниципал кылдытэтын анай-атайёс понна дышетонэз радъян ужпумъёсъя ӟырдыт телефон линиос усьтозы. Удысэтлэн ужъюртъёсыз понна Удмуртиысь дышетонъя но тодосъя министерстволэн 8 (3412) 782-782 телефон номерез ужалоз. 

Тодэ вайытом, берло уй-нунал ӵоже элькунамы 75 адямиез коронавирусъя чаклан улэ басьтӥзы



Наверх
Вниз