100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Удмуртиысь вить визьнодасьёс огъяросси вожвылъяськонын вормизы

  • 181
  • 0
Москва / Россия
Удмуртиысь вить визьнодасьёс огъяросси вожвылъяськонын вормизы
Туспуктэм: Руслан Нуриахметов

Удмуртиысь вить визьнодасьёс Лев Выготский нимо ньылетӥ огъяросси вожвылъяськонын вормизы. Со сярысь элькунысь дышетонъя но тодосъя министерстволэн пресс-службаез ивортэ.

Вожвылъяськонэ пыриськисьёс кык толэзьысен сизьым аресозь пиналъёсын но/яке соослэн анай-атайёсынызы ужанъя ӵектосъёссэс келязы, темазыя кык минутозь видеоролик дасяса, Youtube каналэ поттӥзы.

Вормисьёс пӧлы Дэбесысь 2 номеро нылпи садысь визьнодась Татьяна Сунцова, Сарапулысь 37 номеро нылпи садысь крезьгуръя кивалтӥсь Лариса Ерофеева, Глазкарысь 54 номеро нылпи садысь визьнодась Татьяна Блинова но Ижкарысь 285 номеро нылпи садысь визьнодась Танзиля Богатырёва шедизы.

Визьнодасьёс «Рыбаков фондысь» быдэн 50 сюрс манетэн грантъёс басьтозы

Озьы ик вормисьёс пӧлы Ижкарысь 14 номеро нылпи садысь егит визьнодась Юлия Третьякова но шедиз. Нылмурт Глазкарысь дышетӥсьёсты дасянъя Владимир Короленко нимо кун институтын дышетске. Таӵе вожвылъяськонэ нырысьсэ пыриськиз но «Студенты» категориын 73 вормисьёс пӧлы пыриз. Солы 20 сюрс манет тыр грант сётозы.

Со сяна, вормисьёс ӧнерлыкъя тодон-валан люкан понна туэ пӧсьтолэзе «Рыбаков фондэн» радъяськись Лев Выготский нимо вожвылъяськонлэн 4-тӥ гужем школаяз но Азьветлӥсьёслэн огъяросси школаязы пыриськыны быгатозы.

Л. С. Выготский нимо вожвылъяськонэ Россиысь 84 улосвылъёсысь 5 сюрс 738 куриськонъёс вуизы. Куронъёслы тупамзыя быръён пыр 5 сюрс 90 визьнодасьёс но «педагогические науки» но «гуманитарные науки» ӧръёсъя 268 студентъёс ортчизы

Ватсалом, вожвылъяськон ужазы выль амалъёсты пыртӥсь визьнодасьёсты шараян, соослы юрттэт сётон но ӵектосъёссэс вӧлмытон понна радъяське. 

Тодэ вайытом, Удмуртиын «Нылпиосты анай кыллы дышетӥсь устоез визьнодась» («Лучший воспитатель, обучающий детей родному языку») элькун вожвылъяськонэ пыриськыны куриськонъёсты кутон мынэ. 



Наверх
Вниз