100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Ижкарысь 20 номеро выль школалы Калашниковлэсь нимзэ сётӥзы

  • 168
  • 0
Ижкар / Удмуртия
Ижкарысь 20 номеро выль школалы Калашниковлэсь нимзэ сётӥзы
Туспуктэм: Руслан Нуриахметов

Ижкарысь Ленин ёросысь 20 номеро выль школа тодмо пыӵал тӥрлык кылдытӥсьлэсь Михаил Тимофеевич Калашниковлэсь нимзэ нуллоз. Со сярысь ивортодэтъя «Удмуртия» агентстволы Ижкар администрацилэн тӧроезлэн мер политикая воштӥсез Дмитрий Чистяков вераз.

Али Калашников нимо фондэн кулэ луись огкылъёс гожтӥсько. Кулэ луись тупанкылъёс кинюртӥсько. Со Ижкарын нырысетӥзэ инженерной школаез кылдытон
Дмитрий Чистяков, Ижкар администрацилэн тӧроезлэн мер политикая воштӥсез

Школалэн нырысетӥ этажысь холлаз Михаил Калашниковлэсь бюстсэ пуктозы. Али скульпторъёс но суредасьёс солэн макетэз бордын ужало.

Азьвыл выль классъёсын 30-тӥ южтолэзьысен дышетыны кутскозы шуыса чакламын вал, но коронавирус инфекци вӧлмонэн сэрен усьтонэз выжтӥзы.

Али кылдэм югдурын 20 номеро школаез усьтон дыр выжтэмын луыны быгатэ. Но ми пиналъёсты пумитаны быдэсак дасесь. Али дистанционной амалэн дышетон мынэ
Дмитрий Чистяков, Ижкар администрацилэн тӧроезлэн мер политикая воштӥсез

Пусъём, Россиын сизьым школаос Михаил Калашниковлэсь нимзэ нулло.  

Ватсалом, выль школаын пиналъёсты одӥг сменаен дышетыны чаклало. Пиналъёс книгаоссэс школаын возьыны, дорысь ужзэс но отын ик лэсьтыны быгатозы. 



Наверх
Вниз