100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

Вормонлы сӥзем удмурт кылын урок ортчытонъя тужгес устоезлы ужлы вожвылъяськон ялӥзы Удмуртиын

  • 552
  • 0
Ижкар / Удмуртия
Вормонлы сӥзем удмурт кылын урок ортчытонъя тужгес устоезлы ужлы вожвылъяськон ялӥзы Удмуртиын
Туспуктэм: Григорий Фомин

Удмуртиысь «Вордскем кыл» журналлэн редакциез Быдӟым Вормонлы сӥзем удмурт кылын урок ортчытыны уж гожтонъя улосвылкуспо вожвылъяськон ялӥз. Со сярысь журналлэн «ВКонтакте» мерлыко вотэсысь огиназ ивортэмын.

Конкурсэ нылпи садъёсын визьнодасьёс, покчи классъёсты дышетӥсьёс, кылосбуръя, шаертодонъя, ватсаса тодон-валан сётонъя дышетӥсьёс пыриськыны быгато.

Вожвылъяськон Быдӟым Атыкай ожын Вормонлы сӥзем ужрадъёсты удмурт кылын ортчытъяны методикая портфелез тырмытон, устооссэ удмурт кылын Вормон урокъёсты шараян, творчествоен вырись дышетӥсьёслы юрттон вылысь радъяське

Ужъёсты туэ 15-тӥ куарусёнозь vk-red@mail.ru электрон почтае «Конкурс Урок Победы» пусйыса келяно.

Вормисьёсты 30-тӥ куарусёнэ «Вордскем кыл» журналлэн нимлыко вотэсбамаз но мерлыко вотэсъёсысь огинъёсаз шараялозы. Со сяна, журналлы 30 ар тырмонлы сӥзем ужрадын дипломъёсын, дуно кузьымъёсын пусъёзы, нош вань пыриськисьёслы сертификатъёс сётозы.

Тужгес усто ужъёсты «Вордскем кыл» журналын поттозы

Вожвылъяськон сярысь пыр-почгес чӧлсконпусъя тодыны луэ.

Тодэ вайытом, Тодэ вайытом, Удмуртиын улӥсьёс Быдӟым Атыкай ожын Вормонлы 75 ар тырмонлы сӥзем «Наследие Победы» огъяросси интернет-акцие пыриськыны быгато. 



Наверх
Вниз