100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Выль нылпи садэз усьтӥзы Удмуртиысь Ягул черкогуртын

  • 121
  • 0
Ягул / Удмуртия
Выль нылпи садэз усьтӥзы Удмуртиысь Ягул черкогуртын
Туспуктэм: Руслан Нуриахметов

26-тӥ южтолэзе Дэри ёросысь Ягул черкогуртын выль нылпи садэз усьтӥзы. Отчы куинь аресысен вить аресозь 80 пиналъёс ветлозы.

Нылпи садэз пуктыны 98 миллион манет висъязы. Лэсьтӥськон Росси азьмуртлэн Владимир Путинлэн кичӧлтэмезъя юнматэм «Демография» йӧскалык ӵектосъя мынӥз.

Выль садын туала куронъёслы тупась крезьгуръя но спортъя залъёс, эм кабинет. Озьы ик кырын поръяны интыос лэсьтэмын.

Татын туж умой пищеблок, отын тямыс цехъёс, ужасьёслы нимаз висъет, шутэтскон, сиён-юонъёсты ӝоктыны. Со котькуд пӧраськисьлэн лемлет малпанэз
Ирина Ларионова, Ягулысь шор ёзо школалэн кивалтӥсез

Выль нылпи сад черкогуртысь щор ёзо школалэн ёзэз луэ. Отчы Ягулысь, Русский Вожойысь, Соколысь но «Радуга» микрорайонысь садикъёс пыро.

Нылпи садъёсы 229 пиналъёс ветло. Но эшшо 220-лэсь трос пиналъёс черодын сыло на. Вераськон нольысен сизьым аресозь нылпиос сярысь
Ирина Ларионова, Ягулысь шор ёзо школалэн кивалтӥсез

Выль юрт ужаны дась ни. Пиналъёслы эм эскеронъёс ортчыны кылиз. Но паласькись вирус инфекциосты алонэз валче али эмъяськонние ветлыны уг яра. Та дырлы 10 гинэ покчиос поликлиникаосысь справкаос басьтыны вуттӥзы. 

Путёвкаез куинь но ӝыны ар возьмамы. Куарусёнэ ми черодын нырысетӥосыз вал. Ми та нылпи садлы туж оскимы
Ирина Рейзвих, кыкто нылъёслэн анайзы

Ирина Рейзвихлэн ньыль нылпиосыз. Бадӟымез 8-тӥ классын дышетске, шоретӥез нылпи садэ ветлэ. Табере кыкто нылашъёсты но визьнодасьёс учкозы, нош анайзы ужаны потоз.

Кылем арын ми сизьым выль нылпи садъёс пуктӥмы. Кылем арын черодын 2 сюрслэсь тросгес пиналъёс вал, соин ик выль нылпи садъёсты усьтыса, со пӧлын туннэзэ вераса, черод 530-лэсь трос пиналъёслы кулэсмоз
Константин Русинов, Дэри ёрослэн тӧроез

Дэри ёросын эшшо вить нылпи садъёслы ӵектосъёс дасяло. Соос 3-7 аресъем пиналъёс пӧлын черодэз быдтозы. Хорякиын, Постолын, Юськиын, Шудьяын лэсьтӥськонэз 2020-тӥ арын кутскозы но 2021-тӥ арын йылпумъялозы. 

Тодэ вайытом, 2020-2021 аръёсы Удмуртиын 21 нылпи сад пуктозы



Наверх
Вниз