100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Глазкарысь пединститут мерлыко ӵектоссэ быдэстыны грант утӥз

  • 220
  • 0
Глазкар / Удмуртия
Глазкарысь пединститут мерлыко ӵектоссэ быдэстыны грант утӥз
Туспуктэм: Григорий Фомин

Глазкарысь дышетӥсьёсты дасянъя В. Г. Короленко нимо институт мерлыко сиротствоез алонлы сӥзем ӵектоссэ быдэстыны грант утӥз. Со сярысь Удмуртиысь дышетонъя но тодосъя министерстволэн пресс-службаез ивортӥз.

Вылӥ дышетсконнилэн «Семейный тьютор» ӵектосэз Тимченкоослэн ӟечлэсьтон фондэнызы радъям «Курс на семью» вожвылъяськонын бӧрсьысь кыкетӥ ар ворме ни

Дышетонэз ортчем студентъёс секыт югдуре шедем семьяысь яке нылпи юртысь пиналъёслы юрттӥсь луозы. Соос пинал эшъёссылы быгатонлыкъёссэс усьтыны, ас кужымзылы оскыны, калыкын улыны юрттозы.

Ӵектосэз педагогикая но психологияя кафедраысь дышетӥсьёс Наталья Иванова, Любовь Штыкова но Алексей Мирошниченко дасязы. Сое быдэстонэ «Психолого-педагогическое образование» ӧръя дышетскись студентъёс мыло-кыдо пырисько. Пиналъёсын вераськон, юрттон соослы секыт улон югдуре шедем семьяосын ужаны опыт сётэ.

«Семейный тьютор» ӵектосэз нырысетӥ араз быдэсъян со анай-атайёслы но мерлыко дышетӥсьёслы кулэ шуыса возьматӥз. Семьяос асьсэос институтэ юрттэтлы вазиськыны кутскизы, нош нылпи юрт тьюторъёслэсь-студентъёслэсь лыдзэс будэтыны куриз.

Ӟечлэсьтон фонд юрттэмен валче ужан азьланьтӥськоз. Ӵектосэз 2021-тӥ арын сӥзьыл йылпумъяны малпало.

Тодэ вайытом, Удмуртиысь куинь гурт школаос но спортъя клуб нылпи хоккеез азинтыны Тимченкоослэн ӟечлэсьтон фондысьтызы грантъёс басьтозы



Наверх
Вниз