100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Удмуртиысь школаосын чингыли берпуметӥзэ жингыртон ужрадъёс 29-тӥ но 30-тӥ куартолэзе ортчозы

  • 209
  • 0
Ижкар / Удмуртия
Удмуртиысь школаосын чингыли берпуметӥзэ жингыртон ужрадъёс 29-тӥ но 30-тӥ куартолэзе ортчозы
Туспуктэм: Николай Кузнецов

Удмуртиысь школаосын чингыли берпуметӥзэ жингыртон ужрадъёс куартолэзьлэн берпуметӥ нуналъёсаз онлайн амалэн ортчозы. Со сярысь 21-тӥ куартолэзе журналистъёслы элькунысь дышетонъя но тодосъя министр Светлана Болотникова вераз.

Солэн кылъёсызъя, котькуд улосвыл ас кожаз пумкылъян кутэ.

Ми онлайн амалэн ортчытӥськом. Али тунсыко сценарийёс дасясько, дышетӥсьёслэн вераськонъёссы, выпускникъёслэн вазиськонъёссы, творчествоя номеръёс гожтӥсько. Чингыли берпуметӥзэ жингыртон ужрадъёс 9-тӥ классъёсын 29-тӥ куартолэзе 11 часын ортчозы, 11-тӥ классъёслы 30-тӥ куартолэзе 11 часын
Светлана Болотникова, Удмуртиысь дышетонъя но тодосъя министр

Школаен люкиськон ужрадъёс пумысен югдур али валантэм. Трос калыкен шулдыръяськонъёс ортчытъяны та дыре лэзьымтэ.

Оскомы, эпидемиологи югдур тупатскоз шуыса. Но 9-тӥ классъёсын школаен люкиськон ӝытъёс уз луэ, вылаз ик тросэз соос 10-тӥ классэ мыно, кин ке шор ёзо ӧнер дышетсконние. Нош 11-тӥ классъёсын возьмалом… ми огъя кун экзаменъёсты ортчытон дыръя чаклалом
Светлана Болотникова, Удмуртиысь дышетонъя но тодосъя министр

Вераны кулэ, 11-тӥ классэз йылпумъясьёслэн огъя экзаменъёсты сётон дырзы но али тодмо ӧвӧл на. Соос 8-тӥ инвожое кутскыны кулэ вал, но дырез выжтӥзы. Укмысэтӥ классъёсын дышетскисьёсты одно сётоно экзаменъёслэсь мозмытӥзы.



Наверх
Вниз