100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Огъя кун экзаменъёсты сётыны Удмуртиын 29-тӥ инвожоысен кутскозы

  • 213
  • 0
Ижкар / Удмуртия
Огъя кун экзаменъёсты сётыны Удмуртиын 29-тӥ инвожоысен кутскозы
Туспуктэм: Григорий Фомин

Удмуртиын огъя кун экзаменъёсты 29-тӥ инвожоысен сётыны кутскозы. Со сярысь 21-тӥ куартолэзе элькунлэн тӧроез Александр Бречалов мерлыко вотэсъёсын меӵак эфирез дыръя вераз.

Экзаменын сётоно тодметъёсъя консультациос но шор ёзо ӧнер дышетсконниосысь 3-тӥ но 4-тӥ курсъёсты йылпумъясьёслы практикая занятиос 1-тӥ инвожое кутскозы

Шор ёзо ӧнер дышетсконниосын дышетскон вакыт воштӥськонъёстэк кылёз, экзаменъёсты дистанционной амалэн сётозы. Выль дышетскисьёсты кутон 1-тӥ инвожоысен 15-тӥ гудырикошконозь кыстӥськоз. Колледжъёс, кытын экзаменъёсты дистанционной амалэн сётыны шуг, ужпумез ас кожазы сэрттозы-пертчозы.

Вылӥ дышетсконниосын приёмной кампания 20-тӥ инвожоозь кутскыны кулэ. Дышетскыны пыремъёсты гудырикошконэ шараялозы. Соку ик огъя кун экзаменъёсты азьвыл гожтыны быгатымтэос сётыны быгатозы.

Тодэ вайытом, 11-тӥ класс бере вылӥ дышетсконние пырыны малпасьтэмъёс понна аттестатазы оценкаосты арлы йылпумъянъёсъя пуктозы. Школаез йылпумъясьёс понна чингыли берпуметӥзэ жингыртон ужрадъёс 20-30 куартолэзе онлайн амалэн ортчозы



Наверх
Вниз