100 лет государственности Удмуртии
Ижкар+21 °C
29 -тӥ куартолэзь 2020 Удмуртарня
16+

Рособрнадзор огъя кун экзаменъёсты сётон радлыкез шараяз

  • 127
  • 0
Москва / Россия
Рособрнадзор огъя кун экзаменъёсты сётон радлыкез шараяз
Туспуктэм: Григорий Фомин

Роспобрнадзор огъя кун экзаменъёсты сётон радлык кылдытӥз. Расписание удысэтлэн нимлыко сайтаз шараямын.

11-тӥ классэз йылпумъясьёс понна огъя кун экзаменъёс 29-тӥ инвожое кутскозы. Со нуналэ география, литература но информатика тодметъёсъя тодон-валанъёсты эскерозы.

Ӟуч кыл - одӥгез одно сётоно тодмет. Туж трос адями одӥг интые медаз люкаськы шуыса, экзаменэз сётон кык нуналлы чакламын – 2-тӥ но 3-тӥ пӧсьтолэзе.

6-тӥ пӧсьтолэзе профильной математикая тодонлыкъёсты эскерозы, 9-тӥ пӧсьтолэзе – историяя но физикая, 13-тӥ пӧсьтолэзе – обществознаниея но химияя, 16-тӥ пӧсьтолэзе – биологияя но кунсьӧр кылъёсъя экзаменлэн гожтыса сётон люкетэз, 18-тӥ но 20-тӥ пӧсьтолэзе - кунсьӧр кылъёсъя устной экзамен.

Озьы ик вань тодметъёсъя ватсаса нуналъёс луозы.

2020-тӥ арын огъя кун экзаменъёсты вылӥ дышетсконние пырыны малпась пиналъёс гинэ сётозы.

Огъя кун экзаменъёсты ортчытон дыр вань пыриськисьёслы экзаменъёсты сётыны но быръем вылӥ дышетсконниосы ужкагазъёсты сётыны луонлык усьтэ. Огъя кун экзаменъёсы пыриськисьёслэсь но ужез радъясьёслэсь тазалыксэс утён вылысь таяз арын экзаменъёсты сётон интыосын кышкыттэмлыкъя ватсаса ужрадъёс кутӥськом
Анзор Музаев, Рособрнадзорлэн кивалтӥсезлэсь ужзэ огдырлы быдэсъясь

Ваньмаз огъя кун экзаменъёсты ортчытон интыосын санитарной куронъёсты быдэсъянэз кужмоятозы: висъетъёсты тазатозы, пырон азьын пиналъёслэсь температуразэс мерталозы, киосты чылкытатыны антисептикъёс луозы. Экзамен сётӥсьёсты ог-огзылэсь 1,5 метр кеме пуктылозы.

Тодэ вайытом, укмысэтӥ классъёсын дышетскисьёсты одно сётоно экзаменъёслэсь мозымтӥзы



Наверх
Вниз