Ижкар+19 °C
2 -тӥ пӧсьтолэзь 2020 Покчиарня
16+

«Герои народа – герои страны» улосвылкуспо вожвылъяськонын вормисьёсты шараязы Ижкарын

  • 285
  • 0
Ижкар / Удмуртия
«Герои народа – герои страны» улосвылкуспо вожвылъяськонын вормисьёсты шараязы Ижкарын
Туспуктэм: меӵак эфирысь скриншот

26-тӥ куартолэзе Удмуртиысь Калыкъёслэн эшъяськон юртазы «Герои народа – герои страны» улосвылкуспо вожвылъяськонын вормисьёсты шараязы. Ужрад онлайн амалэн ортчиз, ивортэ ужъюртлэн пресс-службаез.

Пӧртэм калыкъёслэн Быдӟым Атыкай ожын батырлыко ожмаськемзылы сӥзем но Вормон Нуналлы 75 ар тырмонлы тупатэм эскерон ужъёсъя вожвылъяськонэ Ижкарысь но Казаньысь 7-11 классъёсын дышетскись куать сюрслэсь трос пиналъёс пыриськизы.

Вожвылъяськонэ ужъёсты куинь ӧръёсъя кутӥзы. Озьы ик радъясьёс «Тужгес мыло-кыдо школа» номинациез нимаз висъязы.

Ижкарын вормисе потӥзы:

  • «Всё для фронта, всё для Победы!» ӧрын - 10 номеро школаысь 10-тӥ классын дышетскись Егор Кокорин
  • «Герои народа – герои страны» ӧрын – 45 номеро лицейысь 8-тӥ классын дышетскись Мария Кутергина
  • «Дети войны: всё для фронта, всё для Победы» ӧрын – 17 номеро школаысь 11-тӥ классын дышетскись Елизавета Шубина
  • «Эссе на тему «Герои народа — герои страны» ӧрын (валтӥсь вожвылъяськонтэк) – 52 номеро школаысь 9-тӥ классын дышетскись Алёна Курылёва

Казаньын вормисе Вероника Бобровская, Зиля Яхиева но Илсаф Нургалиев потӥзы.

Устоосызлэсь ужъёслэсь авторъёссэс Казане но Ижкаре экскурсиосын пусйизы. Нырысь-валысь чакланъёсъя, соос сӥзьы каникулъёс дыръя ортчозы. Озьы ик вормисьёслэсь ужъёссэ «Герои народа – герои страны» бичетэн поттозы.

Вожвылъяськон витетӥзэ ортчиз ни. Таиз ар аспӧртэм луэ. 2020-тӥ арын Удмуртия но Татарстан 100 ар тырмонзэс пусъё. 

Тодэ вайытом, азьвылгес Удмурт кадет корпусысь 10-тӥ классын дышетскись Артём Поскрёбышев эссе ӧрын творчество ужъёсъя «Geschichte in Biografien» - «История в биографиях» калыккуспо вожвылъяськонын вормиз, нош Можгаысь 4-тӥ классын дышетскись Полина Алексеева «Правнуки Победителей» огъяросси конкурсын нырысетӥ луиз.



Наверх
Вниз