Ижкар+15 °C
2 -тӥ пӧсьтолэзь 2020 Покчиарня
16+

70 пала куриськонъёс вуизы «Земский учитель» федерал ӵектосэ пыриськон понна Удмуртиын

  • 256
  • 0
Ижкар / Удмуртия
70 пала куриськонъёс вуизы «Земский учитель» федерал ӵектосэ пыриськон понна Удмуртиын
Туспуктэм: Григорий Фомин

25-тӥ куартолэзе Удмуртиын «Земский учитель» федерал ӵектосэ пыриськон понна куриськонъёсты кутонэз йылпумъязы. Ӵектослэн улосвыл операторезлы - Дышетонэз азинтонъя институтэ – 70 пала куриськонъёс вуизы. Со сярысь элькунысь дышетонъя но тодосъя министерстволэн пресс-службаез ивортэ.

Куриськонъёс Удмуртиысь сяна, Краснодар, Пермь, Хабаровск шаеръёсысь, Ульяновск, Киров улосвылъёсысь, Коми Элькунысь, Башкортостанысь, Татарстанысь, Ханты-Мансийск автоном округысь дышетӥсьёслэсь вуизы

20-тӥ инвожоозь экспертъёслэн ӧризы ӵектосын вормисьёсты быръёз. Собере, 30-тӥ инвожоозь, тужгес трос балл люкам муртъёс быръем школае мыныны но вуоно ужан интыенызы тодматскыны быгатозы.

Вормисьёслэсь лыдметсэс Удмуртиысь дышетонъя но тодосъя министерстволэн нимлыко сайтаз 31-ти пӧсьтолэзёзь поттозы. Одӥг пол тыриськись коньдонэз соос 2020-тӥ арын 1-тӥ толсурозь басьтозы.

Тодэ вайытом, «Земский учитель» федерал программа туэ 10-тӥ толшоре ужаны кутскиз но 15-тӥ оштолэзе йылпумъяськыны кулэ вал. Но чер вӧлмонэн шугъяськытӥсь югдур кылдэмен, куриськонъёсты кутон дырез азьланьтӥзы. Программа дышетӥсьёслы юрттэт сётон понна кылдытэмын. Отчы гуртъёсы яке пичи каръёсы улыны выжыны но отын вить ар ӵоже ужаны дась луись 55 аресозь дышетӥсьёс пыриськыны быгато. Со понна соос 1 миллион манет тыр одӥг пол тыриськись коньдон басьтозы. Тыронлэсь выт уз кельтэ. Туэ элькунамы программаез пыӵатыны 14 миллион манет висъязы



Наверх
Вниз