Ижкар+15 °C
2 -тӥ пӧсьтолэзь 2020 Покчиарня
16+

80 интылы чаклам выль ясли-сад кылдӥз Пичи Пургаын

  • 247
  • 0
Пичи Пурга / Удмуртия
80 интылы чаклам выль ясли-сад кылдӥз Пичи Пургаын
Туспуктэм: vk.com (Александр Бречалов)

Пичи Пургаын 80 интылы чаклам выль ясли-сад кылдӥз. Со сярысь Удмуртилэн тӧроез Александр Бречалов «ВКонтакте» мерлыко вотэсысь бамаз ивортӥз.

«Демография» йӧскалык ӵектосъя лэсьтӥськонлы 90 миллион манет висъязы. Выль юртэ юртэ 1,5 аресысен куинь аресозь пиналъёс ветлозы. Соос понна ньыль группаос ужалозы

Пиналъёслы умой мед луоз шуыса, юртын ваньмыз кулэез вань – татын крезьгуръя но спортъя огазеям залзы, мисьтаськон но пӧраськон висъетъёссы, шудон висъетъёссы, чебер, утялтэм интывылзы вань
Александр Бречалов, Удмуртилэн тӧроез

Удмуртиысь дышетонъя но тодосъя министерствоын ватсазы, выль ясли-садэз усьтон ужрадэз 1-тӥ инвожое онлайн амалэн ортчытыны малпало шуыса. Нош яслилы тужгес кулэяськись покчиосты 2-тӥ инвожое кутыны кутскозы. 

Тодэ вайытом, кемалась ӧвӧл Сарапулын кык яслиос усьтӥзы.



Наверх
Вниз