Ижкар+19 °C
6 -тӥ пӧсьтолэзь 2020 Вордӥськон
16+

Удмурт кылъя видеокурсъёсты кутскизы Удмуртиын

  • 103
  • 0
Ижкар / Удмуртия
Удмурт кылъя видеокурсъёсты кутскизы Удмуртиын
Туспуктэм: видеоысь скриншот

Удмурт егитъёслэн «Куара» огинзы удмурт кылъя видеокурсъёсты кутскиз. Со сярысь ивортодэтъя «Удмуртия» агентстволэн корреспондентэзлы ӵектослэн кивалтӥсез Ольга Степанова вераз.

Ӵектос улсын оглом кызь видеоурокъёс поттозы: дассэ – ӟуч кылын но дассэ – англи кылын.

Милям географимы мед паськыталоз шуыса. Ӟуч кылын вераськисьёс сяна, быдэс дуннеысь тунсыкъяськисьёс мед учкозы. Англи кыл – со дунне кыл ук. Соин ик нырысь малпам вал титръёс гинэ лэсьтыны (англи кылын – ред.), но собере нимаз видеоурокъёс поттыны ик умой луоз шуыса малпамы. Удмурт кун университетын кема аръёс ӵоже удмурт кылъя курсъёс ортчо, отчы кунгож сьӧрысь но трос адямиос ветло
Ольга Степанова, ӵектослэн кивалтӥсез

Ольга Степановалэн верамезъя, видеоурокъёсты туэ шуркымонозь поттылозы.

Милям луозы куинь минутъем роликъёс. Котькуд роликын кыӵе ке но тема валэктӥськоз. Нырысетӥез – со удмурт кылэн тодматон, собере пичияк дышетон. Валамон ини, та роликъёс бере вольыт вераськыны уз луы. Со тросгес тодматон но юрттэт луоз, тужгес ик удмурт кылэн тунсыкъяськисьёслы, сое дышетӥсьёслы. Со сыӵе нырысетӥ уровень
Ольга Степанова, ӵектослэн кивалтӥсез

Озьы ке но, урокъёсты учкисьёс асьсэ сярысь вераны: кин, кӧня арес, мар каре - быгатыны кулэ, пусъе кивалтӥсь.

Видеоурокъёсын чӧлсконпусъя тодматскыны луоз.

Пусъём, ӵектос Удмуртиысь йӧскалык политикая министерстволэн юрттэмез улсын лэсьтӥське.

Тодэ вайытом, кылем арняе «Куара» огинлэн «Ныло-пиё» подкаст» ӵектосэз ужаны кутскиз.



Наверх
Вниз