Ижкар+19 °C
7 -тӥ пӧсьтолэзь 2020 Пуксён
16+

Гракысь школаын цифровой но гуманитарной дышетонъя «Будон инты» центр усьтозы 1-тӥ куарусёнэ

  • 76
  • 0
Грак / Удмуртия
Гракысь школаын цифровой но гуманитарной дышетонъя «Будон инты» центр усьтозы 1-тӥ куарусёнэ
Туспуктэм: vk.com (Виктор Белов)

1-тӥ куарусёнэ Гракысь шор ёро школаын цифровой но гуманитарной дышетонъя «Будон инты» («Точка роста») центр усьтозы. Та дыре школаын кабинетъёсты но фойезэ выльдо. Со сярысь Грак ёрослэн тӧроез Виктор Белов «ВКонтакте» мерлыко вотэсысь бамаз ивортӥз.

Со (тупатъян –ред.) ужъёслы 363 сюрс манет висъямын. Чакламын «Информатика и технологии», «Основы безопасности жизнедеятельности» кабинетъёс лэсьтыны но кыкетӥ этажысь фоейеын коворкингъя (ӵошен ужанъя) инты, кытын пиналъёс ӵектосъёсы бордын ужалозы яке шахматэн шудозы
Виктор Белов, Грак ёрослэн тӧроез

Солэн кылъёсызъя, гужем ӵоже «Будон инты» центре мебель но выль тӥрлык вуоз – ноутбукъёс, 3D-принтеръёс, тренажёръёс-манекенъёс, шахматъёс, квадрокоптеръёс.

Виктор Белов озьы ик ивортӥз, «Большой ремонт» элькун ӵектос улсын Гракысь Дорожной ульчаысь шор ёзо школалэсь липетсэ тупатъяло шуыса, солы 642 сюрс манет висъязы.

Тодэ вайытом, Росси азьмуртэн Владимир Путинэн кичӧлтэм «Образование» йӧскалык ӵектос улсын 1-тӥ куарусёнлы Удмуртиысь гурт ёросъёсын 42 «Будон инты» центръёс усьтозы, нош 2022-тӥ арозь 157 сыӵе центръёс ужаны кутскозы шуыса чаклало.



Наверх
Вниз