Ижкар+19 °C
7 -тӥ пӧсьтолэзь 2020 Пуксён
16+

Эграысь куинь школаосын цифровой но гуманитарной ӧръёсъя «Будон инты» центръёс лэсьто

  • 69
  • 0
Эгра / Удмуртия
Эграысь куинь школаосын цифровой но гуманитарной ӧръёсъя «Будон инты» центръёс лэсьто
Туспуктэм: vk.com (Администрация Игринского района)

Удмуртиысь Эгра черкогуртысь 2, 3 но 4 номеро школаосын цифровой но гуманиторной ӧръёсъя дышетон «Будон инты» («Точка роста») центръёс кылдытонъя тупатъян ужъёс мыно. Со сярысь ёрос администрацилэн «ВКонтакте» мерлыко вотэсысь огиназ ивортэмын.

Эграысь 4 номеро школаын куинь висъет дасяло. Отын ӵектосъёс бордын ужанъя яке коворкингъя инты, технологияя но информатикая огазеям висъет но ОБЖ урокъёслы висъет луозы. Ужасьёс бетон выжъёс кисьтӥзы, электроезъёс кыскизы ини, та дыре ошиськись вӧлдэт лэсьто но борддоръёс вылэ штукатуркалэсь нырысь сӥзэ вӧлдо.

2 номеро школаын вӧлдэт лэсьтӥзы, электроезъёс кыскизы, та дыре пушказ чебер карон ужъёсты нуо но борддоръёсты юнмато.

3 номеро школаын ву шунтӥсь тӥрлыкъёс пуктӥзы, али ву пыртон бордын тыршо. Озьы ик чебер карон но электротехнической ужъёс азьланьтӥсько.

Вань ужъёс юнматэм радлыкъя мыно

Пусъём, ужъёс Владимир Путинэн кичӧлтэм «Образование» йӧскалык ӵектос улсын ужась «Современная школа» федерал ӵектос улсын быдэстӥсько.

Тодэ вайытом, цифровой но гуманитарной «Будон инты» центр Гракысь школаын но лэсьто.



Наверх
Вниз