Ижкар+19 °C
7 -тӥ пӧсьтолэзь 2020 Пуксён
16+

Туэ нырысетӥ классэ мынӥсь 90 пала пиналъёс удмурт кылэз дышетозы Дэбес ёросын

  • 52
  • 0
Дэбес / Удмуртия
Туэ нырысетӥ классэ мынӥсь 90 пала пиналъёс удмурт кылэз дышетозы Дэбес ёросын
Туспуктэм: Григорий Фомин

Дэбес ёросын 2020-тӥ арын нырысетӥ классэ мынӥсь 188 пиналъёс пӧлысь удмурт кылэз 87-ез дышетозы. Со сярысь ивортодэтъя «Удмуртия» агентстволы ёрос администрациысь дышетонъя управленилэн кивалтӥсез Ольга Шкляева вераз.

Удмурт классъёс ёросысь 11 школаос пӧлысь дасаз луозы. Тольёнысь начальной школае нырысетӥ классэ мынӥсьёс таяз арын ӧвӧл.

Укмысаз школаын удмурт кыл предмет сямен мыноз, нош Дэбесысь школаын факультатив луоз. <…> Но соос та ужпум бордын ужало на
Ольга Шкляева, Дэбес ёрос администрациысь дышетонъя управленилэн кивалтӥсез

Ольга Шкляевалэн верамезъя, дышетскон ар кутскытозь югдур воштӥськыны быгатоз на. Ӟеч дышетӥсь вань ке, анай-атайёслэн пиналъёссэс удмурт классэ сётыны мылкыдзы вань, пусйиз кивалтӥсь но дышетӥсьёсын но учебникъёсын шугъяськонъёс ёросын ӧвӧл шуыса ватсаз.

Удмуртиысь дышетонъя но тодосъя министерствоын ивортэмзыя, 2019-2020 дышетскон арын элькунын нырысетӥ классэ ветлӥсь 1 сюрс 778 пиналъёс удмурт кылэз предметэз сямен дышетӥзы, 211-ез – факультативын, 606-ез – кружокъёсын.

Озьы ик министерствоын пусйизы, удмурт кылэз дышетыны одӥг-кык гинэ куриськон вуиз ке но, школаын сое радъяны кулэ.

Тодэ вайытом, туэ Глазкарын но Можгаын удмурт кылэз дышетонэн тямыс классъёс усьтӥськозы



Наверх
Вниз