Ижкар+19 °C
6 -тӥ пӧсьтолэзь 2020 Вордӥськон
16+

Удмуртиын огъя кун экзамен сётыны ваньмыз интыос пиналъёсты пумитаны дасесь

  • 67
  • 0
Ижкар / Удмуртия
Удмуртиын огъя кун экзамен сётыны ваньмыз интыос пиналъёсты пумитаны дасесь
Туспуктэм: Анастасия Васильева

Удмуртиын огъя кун экзаменъёсты сётыны ваньмыз интыос пиналъёсты пумитаны дасесь. Соосты эскеронъёс 29-тӥ инвожое ортчизы. Со сярысь мерлыко вотэсъёсысь меӵак эфирез дыръя элькунлэн тӧроез Александр Бречалов ивортӥз.

Туэ элькунамы экзаменъёсты 7 сюрс 518 пиналъёс сётозы. Соос понна 710 аудиториос дасязы. Отын пиналъёслэсь тазалыксэс утён понна вань кулэ луись арбериос вань. Элькунлэн тӧроез кышкытлыклэсь утиськонэз нимысьтыз чакласа возёзы шуыса пусйиз. Со сяна, экзаменъёсты радъясьёслы ватсаса тыронъёс чакламын.

Таяз арын огъя кун экзаменэз радъянэ но ортчытонэ пыриськись дышетон удысын ужасьёслы – со 3 сюрс 281 адями, оглом 35 миллион манет тыр тыронъёс чакламын. Со сяна, ужзы мултэс трос луэмен, туэ дышетӥсьёс оглом 13 миллион 800 сюрс манет тыр ватсаса юрттэт басьтозы
Александр Бречалов, Удмуртилэн тӧроез

Тодэ вайытом, туэ огъя кун экзаменъёс 3-тӥ пӧсьтолэзе кутскозы. Пиналъёс география, литература, информатика но ИКТ тодметъёсъя тодон-валанъёссэс возьматозы. 



Наверх
Вниз