Ижкар+20 °C
9 -тӥ гудырикошкон 2020 Воскресенье
16+

Узьым чабейлэсь выль сортсэ поттӥзы Удмуртиын

  • 92
  • 0
Ижкар / Удмуртия
Узьым чабейлэсь выль сортсэ поттӥзы Удмуртиын

Удмуртилэн кунлыкезлы 100 ар тырмон аре Россиысь тодосъя академилэн Урал ёзэтысьтыз Эскеронъёсъя удмурт федерал центрысь ӧнерчиос узьым чабейлэсь вылӥ удалтонлыко выль сортсэ поттӥзы но сое «ДаУР» нимазы. Со сярысь улосвыл тӧролэн но кивалтэтлэн пресс-службазы ивортэ.

Выль сортэз поттыны куать ар кошкиз. Чабей кезьытъёсты умой чида но губи висёнъёслы уг сётскы. 2020-тӥ арын будосэз дунъянлы йылпумъянъёсъя, та сортэз кун эскеронэ сётозы.

Ӧнерчиослэн верамзыя, чабей Удмуртиын тросгес ю тысь люканын бадӟым инты басьтэ, озьы ик со вазь вуэ, нянь пыжонэ кутӥське. Но пӧртэм аръёсы толэз огкадь уг поты.

Элькунын будэтон понна Кун реестре пыртэм сортъёс толйыны умойтэм югдурын лябомо. Соин ик та интыын вылӥ пайдалыко но толэз умой потӥсь сортъёс кылдытон валтӥсь ужпум луэ. Узьым чабей пыкмон висёнъёслы но мукет тужгес вӧлмем висёнъёслы сётскыны ӧвӧл кулэ, умой сылыны, нчнь пыжыны ярамон ӟечлыко тысь кылдытыны кулэ
Ирина Торбина, Эскеронъёсъя удмурт федерал центрысь тодосъя валтӥсь ӧнерчи, гур возёс тодосъя кандидат

Удмурт центрысь ӧнерчос со ужпумез быдэстыны быгатӥзы. Волга но Ватка котырысь, Уралысь улосвылъёсын будэтыны тупась вылӥ пайдалыко сорт поттӥзы. Та чабей Удмуртиысь гурт возёсъёслы арысь аре ӟеч ю тысь басьтыны луонлык сётоз.

Тодэ вайытом, туэ Удмуртиын 630 сюрс тонна ю тысь жильдыны малпало.  



Наверх
Вниз