Ижкар+17 °C
18 -тӥ куарусён 2020 Удмуртарня
18+

«Земский учитель» программаын вормисьёс тодмо луизы Удмуртиын

  • 137
  • 0
Ижкар / Удмуртия
«Земский учитель» программаын вормисьёс тодмо луизы Удмуртиын
Туспуктэм: Григорий Фомин

Удмуртиын «Земский учитель» федерал программа улсын вожвылъяськонын вормисьёсты бырйизы. Гурт школае ужаны мынӥсь 14 дышетӥсьёс быдэн одӥг миллион манетэн басьтозы. Со сярысь улосвыл тӧролэн но кивалтэтлэн пресс-службазы ивортэ.

Гурт школаосы мынозы:

- Ирина Филимонова, математикая дышетӥсь - Алнаш ёросысь Варзи-Ятчи школае;
- Екатерина Куршина, англи кылъя дышетӥсь - Вотка ёросысь Волковской школае;
- Виктор Шубин, историяя дышетӥсь – Дэбесысь Л. В. Рыков нимо школае;
- Наталья Максимова, математикая дышетӥсь - Каракулиноысь школае;
- Любовь Артемьева, математикая дышетӥсь - Красногорскысь школае:
- Ольга Богданова, математикая дышетӥсь - Дэри ёросысь Ягул школае;
- Лариса Камчатова, биологияя дышетӥсь - Пичи Пургаысь гимназие;
- Алексей Агафонов, физикая дышетӥсь - Можга ёросысь Уча школае;
- Сергей Ильин, англи кылъя дышетӥсь - Сарапул ёросысь Уральской школае;
- Мария Кузнецова, кунсьӧр кылъя дышетӥсь - Сьӧлта ёросысь Кӧпка школае;
- Виктория Соловьёва, англи кылъя дышетӥсь - Можгаысь 5 номеро школае;
- Милауша Фаркушина, покчи классъёсты дышетӥсь - Уваысь 3 номеро школае;
- Людмила Касимова, ӟуч кылъя но литературая дышетӥсь - Ярысь 2 номеро школае;
- Татьяна Рублева, физкультурая дышетӥсь - Юкаменскысь школае.

2019-тӥ арысь 1-тӥ куарусёнлы Удмуртиысь гурт школаосын 192 дышетӥсьёс уг тырмо вал. Тужгес бадӟым кулэяськон ӟуч кыл но литература, кунсьӧр кыл, математика тодметъёсъя но покчи классъёсты дышетӥсьёслы

Тодэ вайытом, элькунын вожвылъяськон 2020-тӥ арын толшоре кутскиз но куартолэзь пумозь кыстӥськиз. Куриськонъёс Удмуртиысь сяна, Татарстанысь, Башкортостанысь, Коми Элькунысь, Краснодар шаерысь, Свердловск, Киров улосвылъёсысь но мукет интыосысь вуизы.

Росси азьмуртэн кичӧлтэм «Земский учитель» федерал программае 55 аресозь дышетӥсьёс пыриськыны быгато. Со понна соос гуртэ яке 50 сюрлэсь ӧжыт улӥсен пичи каре мыныны но отын 5 ар ужаны кулэ. Вожвылъяськонын вормисьёслы сётэм 1 миллион манетысь вытъёс уг кельто. 



Наверх
Вниз