Ижкар+15 °C
18 -тӥ куарусён 2020 Удмуртарня
18+

28 агроклассъёс усьтыны чаклало Удмуртиын выль дышетскон аре

  • 95
  • 0
Ижкар / Удмуртия
28 агроклассъёс усьтыны чаклало Удмуртиын выль дышетскон аре
Туспуктэм: Удмуртиысь гурт возёсъя но сиён-юонъя министерстволэн пресс-службаез

2020-2021 дышетскон аре Удмуртиысь 15 муниципал кылдытэтъёсын 28 агроклассъёс усьтыны чаклало. Со сярысь элькун кивалтэтлэн тӧроезлэн воштӥсез - гурт возёсъя но сиён-юонъя министр Ольга Абрамова журналистъёсын пумиськылыкуз ивортӥз.

Выль агроклассъёс усьтӥськозы: Алнаш ёросын – куинь, Балезино ёросын – куинь, Вотка ёросын – кык, Глаз ёросын - кык, Дэри ёросын - одӥг, Кизнер ёросын – одӥг, Кияса ёросын – куинь, Пичи Пурга ёросын – кык, Сюмси ёросын – одӥг, Ува ёросын - куинь, Шаркан ёросын - одӥг, Эгра ёросын – одӥг, Юкаменск ёросын - одӥг, Якшур-Бӧдья ёросын - кык, Ижкарын – кык.

15-21 куарусёнэ агроклассын дышетскисьёс понна лагерь смена ортчытыны малпало. Отчы 80 пиналъёс пыриськозы. Дышетон программа улсын лекциос но гурт возёс огазеяськонъёсы экскурсиос радъялозы. Озьы ик агрохакатон ортчоз: группаослы люкиськыса, пиналъёс гурт возёс предприятие кылдытозы, солэсь ужзэ радъялозы, секыт югдуръёсысь потон амалъёс шедьтозы

Тодэ вайытом, 2019-тӥ арын Удмуртиын «Кадры для АПК – со школьной скамьи» дышетон программа ужаны кутскиз. Со улсын Сарапул ёросысь Сигаево но Кигбаево школаосын, Дэри ёросысь Италмас черкогуртысь элькун лицей-интернатын но Ижкарысь 83 номеро гимназиын быдэн одӥг агроклассъёс усьтӥзы. Отын гурт возёслэн инъетэз сярысь тодон-валанъёс 101 пиналъёс люкало. Вераны кулэ, Ижкарысь агроклассэ 83, 86, 5 но 84 школаосын дышетскисьёс ветло, озьы ик 13, 23, 101, 15, 39 школаосысь тазалыкся сюбегатэм луонлыкъёсын пиналъёс пырисько.

Италмасысь лицей-интернатын агроклассын дышетскисьёс понна нырысетӥ урокез Ольга Абрамова ортчытӥз

Ижкарысь дышетскисьёслэн программазы 140 часлы чакламын, бадӟымгес саклык теорилы висъяське. Пиналъёс агрономия, сити-фермерство, гурт возёс биотехнологиос, мувылтус дизайн, гурт возёс машинаосты уже кутон, теплицаын ужан технологиос, ветеринария, сад будэтон ӧръёсъя тодон-валан басьто.

Гуртысь пиналъёс гурт возёс ӧнеръёсты, пудо вордон, будосъёсты будэтон, гурт возёсэз механизировать карон удысъёсты дышето. Соослэн программазы 68 часлы чакламын, ӝыныезлэсь уноез – практика. 2019-2020 дышетскон аре гурт школаосын дышетскисьёсын 35 занятиос ортчытӥзы.  



Наверх
Вниз