Ижкар+6 °C
24 -тӥ куарусён 2020 Покчиарня
18+

Сюмси ёросысь пиналъёс «Мон – Россилэн кунмуртэз» огъяросси акцилэн финалаз потӥзы

  • 136
  • 0
Кильмезь / Удмуртия
Сюмси ёросысь пиналъёс «Мон – Россилэн кунмуртэз» огъяросси акцилэн финалаз потӥзы
Туспуктэм: Удмуртиысь дышетонъя но тодосъя министерстволэн пресс-службаез

Сюмси ёросысь Кильмезь школалэн командаез «Мон – Россилэн кунмуртэз» («Я – гражданин России») ХХ огъяросси акцилэн финалаз потӥз. Дышетскисьёслэсь «Мы этой памяти верны» ӵектоссэс нырысь ик мерлыко ӵектосъёсъя «Добродел» элькун вожвылъяськонын пусйизы, собере огъяросси экспертъёс но вылӥ дунъет сётӥзы. Со сярысь Удмуртиысь дышетонъя но тодосъя министерстволэн пресс-службаез ивортэ.

Кильмезь школаысь 6-тӥ А классын дышетскисьёс классэнызы кивалтӥсен Фаима Аухадееваен но педагог-психологен Анастасия Аухадееваен ӵош ужзэс школаысьтызы «Быдӟым Атыкай ожын Вормонлы 75 ар тырмонлы сӥзем 75 ӟеч ужъёс» ӵектосэз быдэсъян улсын дасязы.

Ӵектос концлагере пинал дыръязы шедьылэм но Кильмезь черкогуртын улӥсьёслэсь секыт улон сюрессэс эскеронэн герӟаськемын. Пиналъёс арлыдоос доры ветлӥзы, соослэсь тодэ ваёнъёссэс гожъязы, праздникъёсын ӟечкылазы, концерт дасязы.

Ӵектосмы бордын ми кема но рос-прос ужамы. Толшоре Карпенкова Александра Глебовнаен пумиськимы. Со кылзӥськыса, ми Быдӟым Атыкай ож сярысь фильм учкимы кадь. Тулыспал кутсконын Ковальчук Михаил Герасимовичен но Петрушевская Екатерина Ивановнаен пумиськылӥмы, соос но фашистъёслэн концлагерьёсазы курадӟизы. Соослэн тодэ ваёнъёссы «Память сердца» журналлэн инъетэз луизы, сое ми соослы Вормон Нунал азьын кузьмамы
Фаима Аухадеева, Сюмси ёросысь Кильмезь школаысь классэн кивалтӥсь

Али пиналъёс ӵектоссэс тупатъяло, Zoom площадкаын кураторъёсты но спикеръёсты кылзо, куронъёсты быдэсъяло.

Акцилэн огъяросси люкетаз Россилэн 32 улосвылъёсысьтыз 3 сюрс 600 дышетскисьёс пыриськизы, соос 185 ӵектосъёсын тодматӥзы. Финалэ 23 улосвылъёсысь 33 ӵектосъёс шедизы.

Таяз арын акция очно-дистанционной амалэн радъяське. Йылпумъян люкетэз 17-30 пӧсьтолэзе ортче

Тодэ вайытом, озьы ик Удмуртиысь дышетскисьёс калык лулчеберетъя «Наследники традиций» V огъяросси нылпи фестивальлэн финалаз потӥзы



Наверх
Вниз